#台語
-
"獨立宣言" "我有一个夢" 翻台語文出版做冊
|台語新聞「人自出世就是平等的」這是美國《獨立宣言》內底真有名的一句話。美國民權運動領袖馬丁 • 路德 • 金恩博士發表「我有一个夢」演說的時陣，嘛引用佇內底，這攏是對全球民主發展影響誠深的文本。 這馬有出版社招翻譯者共翻做台語文，也有出版，希望予大眾了解，台語毋但是表達工具，嘛是思想的語言，予咱通透過台語來了解生存權、自由權和追求自由這寡普世價值。（新聞標題、導言為台語文）
-
臺文所研究生開網站 比台文拍字正確率、速度
|台語新聞最近教育部有做新的臺灣台語輸入法，民間也有臺文所的研究生，設一个會當練習拍台語文的網站，通根據民眾拍字的正確率、速度來拍分數，知影家己有較進步無，欲練習台羅、白話字，抑是漢羅濫咧寫攏會使，這馬也開放民眾投稿文章，予逐家來練習。（新聞標題、導言為台語文）
-
傳藝中心徵選兒童布袋戲 劇本題材包羅萬象
|台語新聞為著欲累積兒童布袋戲的創作，傳藝中心舉辦第二屆的兒童布袋戲創作徵選的頒獎典禮，今(2026)年的作品真特別，有以自閉症做主題的劇本，也有宜蘭龜山島的人文故事。未來傳藝中心，也會和布袋戲團合作，共這寡著等的作品，用趣味、囡仔愛看的方式搬出來。（新聞標題、導言為台語文）
-
總統彈劾公聽會 王義川講台語予張亞中插話
|台語新聞立法院針對總統賴清德彈劾案，今仔日(1/15)召開第二場公聽會，藍綠白各黨團攏有推派專家學者來討論。其中民進黨立委王義川用台語發言的時，雄雄去予藍營推派的學者張亞中要求講愛講國語也就是講華語的意思，王義川誠不滿就要求伊去揣翻譯。有台語團體批評學者，毋但對國家語言法完全無了解，也要求台語袂使閣受人打壓。（新聞標題、導言為台語文）
-
教育部手機版台語輸入法上線 嘛支援語音輸入
|台語新聞教育部頂禮拜才發佈新的電腦版臺灣台語輸入法，手機仔版本咧今仔日接紲上線，上重要的功能就是有語音輸入的功能，予對台語拼音無熟抑是袂曉寫台文的民眾，用講的就通寫出正確的台文。有台語團體講已經向望真久這馬總算等著矣，嘛講為著擴大使用族群，希望未來增加輸入華語通輸出做台語文的功能。（新聞標題、導言為台語文）
-
教育部版台語輸入法App上線 支援語音輸入、可以圖片轉傳
|生活教育部今（14）日宣布，正式推出「臺灣台語輸入法」App，使用者下載後，即可在手機、平板等裝置上打出台語漢字、台語羅馬字等，App也導入語音辨識功能提供快速輸入。為避免台語漢字在其他裝置中無法正常顯示，該輸入法也設有將文字轉為截圖傳送功能。
-
台語系學生拍影片 𤆬觀眾去各地啖糝好食物
|台語新聞欲推廣台語，介紹世界萬項事，媒體是真重要的工具。有台語系的大學生，嘛運用台語專長創作影片，用撚骰仔耍大富翁的方式，四界介紹好食物。學生也分享講，其實透過大學四年文創、台語媒體等等的課程，予in愈了解各行各業，in也對這當中揣著家己的興趣。（新聞標題、導言為台語文）
-
傳訊息用華語倚音表達台語 民眾看甲霧嗄嗄
|台語新聞這幾工佇網路頂有濟濟網友分享，厝裡的序大定定會傳一寡予人捎無摠的漢字，用華語的倚音來表達台語，予人看著霧嗄嗄，嘛真愛笑。有學者指出，這款火星文的情形和教育有關係，因為臺灣對2001年開始才有台語課，所以大部份的序大，是毋知影台語有字的。（新聞標題、導言及內文皆為台語文）
-
台語版耶誕歌 "聖誕老阿伯"傳唱20年到今
|台語新聞今仔日 (12/25) 是耶誕節，台語版的耶誕歌你敢捌聽過？改編歌詞的創作者是囡仔冊的作家王金選，伊講這歌詞是20冬前寫的，有囥佇國小的教材，想袂到這馬佇網路頂懸引起討論，閣衝起來。（新聞標題、導言及內文皆為台語文）
-
數發部捒臺灣主權AI語料庫 收在地文化資料
|台語新聞數發部今仔日發佈「臺灣主權AI訓練語料庫」，提供工程師使用，予AI閣較接近臺灣人的語言習慣。目前有超過200个政府機關投入，囥超過2千筆資料、有超過6億个詞元 (token)，收的攏是有臺灣文化特色的資料集，內容包含語言、文化、教育、生物、地理環境等等，遮的資料親像AI教材，幫助AI模型閣較倚近臺灣社會的語言表達。（新聞標題、導言為台語文）
