#台語
-
-
聲音藏在演唱會 3組歌手、5位手語共演
|社福人權今年第3度舉辦的聲音藏在聾聽共融公益演唱會，邀請3組歌手，跟5位聾聽手語表演者共同演出，再加上可以將音樂轉為震動的5G共感背心，結合現場燈光、音響及動態字幕設計，除了讓所有人都能一同感受音樂，更是一場交流與理解的實踐。
-
京華城案檢察官台語問話 辯護律師講違法
|臺北地方法院猶閣咧審理京華城案，有律師指出，頂禮拜審理京華城案的過程當中，檢察官用台語問話，煞予沈慶京的辯護律師批評講，台語違反《法院組織法》，應該愛講「國語」。有台語團體和律師開記者會表示，若照《國家語言發展法》，現此時的國語包括台語、客語和原住民語等等；民團要求修法，共條文內底的「應用國語」改做「應用國家語言」。（新聞標題、導言及內文皆為台語文）
-
23媒體合作 提升網路新聞品質、建立申訴管道
|根據BBC的研究，發現ChatGPT、Gemini這寡主流AI，回答新聞問題的時，會編造無影無跡的內容。為著欲予新聞資訊，通受著民眾信任，23間媒體除了共同組成「台灣網路新聞自律聯盟」，欲加強新聞自律。公廣集團和中央社等等的公共媒體，嘛合作開發AI開講機器人，希望協助民眾對抗假新聞和錯誤消息。（新聞標題、導言及內文皆為台語文）
-
國安新人事 李問、趙怡翔做國安會副祕書長
|總統府今日 (9/1) 公佈上新的人事安排，講欲應對「境外敵對勢力滲透」和「殕色地帶挑戰」，任命國安團隊新職務，由總統府發言人李問佮臺北市議員趙怡翔接國安會副祕書長，加上現任的林飛帆，3位副祕書長年歲平均無到37歲。對人事佈局毋但會當看出，咱國安團隊有少年化的趨勢，專家也認為，面對川普政府的無確定性，執政團隊想欲加強臺美關係、避免中國滲透分化。（新聞標題、導言為台語文）
-
台語台"菜鳥仔NICE PLAY" 訓練台語啦啦隊
|這幾年臺灣的啦啦隊因為國際比賽受著關注，今年底公視台語台欲推出全國第一个啦啦隊養成實境節目「菜鳥仔NICE PLAY」，欲予觀眾對節目了解啦啦隊這个工課的鹹酸苦澀，嘛有招職棒的五位應援團長來訓練遮的菜鳥仔。希望予逐家了解啦啦隊毋是干焦唱歌跳舞，閣愛有棒球智識，培養團隊合作的能力等等。
-
臺博館「來踅鐵道部」營隊 台語講解鐵路歷史
|熱人有濟濟夏令營，臺博館嘛和台語團體合作，舉辦「來踅鐵道部」的台語夏令營，予國小的囡仔來參加，佇咧鐵道部園區，透過導覽、激頭腦做任務，予囡仔佇自然的台語情境內底，了解臺灣的鐵道歷史、嘛認捌古蹟。參加活動的囡仔表示，一工落來學著真濟物件，嘛真趣味。（新聞標題、導言及內文皆為台語文）
-
這拜六禮拜台語認證考試 1.6萬人報名欲考
|這个拜六、禮拜（8/2-8/3）就欲考台語認證，這改攏總有1萬6千外人報名。原底教育部講，B卷欲改做電腦考試，後來考慮著報名B卷的人，有誠濟是序大，猶是維持用紙本來考試。（新聞標題、導言及內文皆為台語文）
-
戲曲學院辦歌仔戲營 紹介歷史教囡仔跤步手路
|歌仔戲的傳承和培養觀眾，攏是真重要的文化工程，臺灣戲曲學院趁歇熱，舉辦兒童歌仔戲營，予校內歌仔戲學系的學生來做營隊的講師，教國小的囡仔學歌仔戲，了解戲曲的歷史。就有囡仔分享講，本底是無了解歌仔戲，猶毋過上課以後，予伊真有興趣，未來會想欲主動去看歌仔戲。（新聞標題、導言及內文皆為台語文）
-
宜蘭賣場設「開講結數櫃台」 講台語關懷長輩
|佇宜蘭有一間連鎖大賣場，出現「開講結數櫃台」的服務，望長輩來到賣場有人通陪in開講、講話，店員嘛專工揀會曉講台語，早時閣會提供麵包、牛奶送序大食，序大攏真呵咾，業者表示，若準試辦效果袂䆀，其它的賣場也會引進。（新聞標題、導言及內文皆為台語文）
