#台語
-
「鳳凰風颱」台語按怎讀？ 腔調變化成做大話題
|台語新聞若講著「鳳凰風颱」這四个字，毋知觀眾朋友是按怎講的咧？這陣咧網路討論甲真鬧熱，真濟人攏來講台語、盤喙錦。有台語老師指出，台語的聲調變化真趣味，咱有第一優勢腔偏漳的講法Hòng hōng hōng thai(聲調3771)，和第二優勢腔偏泉的講法Hòng hòng hōng thai(聲調3371)。台語老師嘛指出，大部份的人可能較袂去意識著台語的變調，嘛是因為真濟人往過攏毋捌像華語，咧學校有系統性的學習課程。（新聞標題、導言及內文皆為台語文）
-
食食按怎唸引討論 網友用台語讀較有臺灣味
|台語新聞這馬佇網路真濟人咧討論，看著草仔粿這三个字會按怎唸，也有網友整理出來，真濟臺灣的好食物其實in本身的名就是台語，親像草仔粿、麥仔茶、蚵仔煎等等，就愛用台語來唸較有氣口。有學者也表示，真濟所在攏有漢字，像廣東話、日本話。毋過這馬佇臺灣因為華語傷過強勢，所以大部份的人看著漢字，就慣勢用華語去思考。（新聞標題、導言、內文為台語文）
-
捒台語計畫 後龍圖書館課程台語比例煞干焦1%
|台語新聞文化部自舊年開始推動台語家庭計畫，各地攏有豐富的活動，煞也有一寡台語比例無達到公告的%數標準。有民眾指出苗栗後龍圖書館，咧講故事培訓的課程，台語比例干焦1%，民眾表示誠失望。針對台語比例的種種問題，文化部回應講，咧「國家語言數位資源網」頂的台語活動，台語比例上無愛有60%，若有領補助，煞無合規定，會先輔導，若無改善，補助就會扣錢。（新聞標題、導言及內文皆為台語文）
-
台語復振袂當盡靠民間 民團望中央設委員會
|台語新聞客語有客委會、原住民語有原民會，毋過台語到今煞猶無一个專責單位，今仔日透早台語政策推動聯盟就召開記者會，要求政府愛趕緊成立台語復振委員會，因為台語的使用者已經愈來愈少，6-14歲的囡仔干焦賰7.4%會曉講。民團提出六大任務的建議，要求政府制定台語復振政策和台語發展研究中心等等。（新聞標題、導言及內文皆為台語文）
-
台語家庭計畫搬布袋戲 多數華語演出引爭議
|台語新聞10/25佇咧桃園八塊厝民俗藝術村，有辦布袋戲的表演，桃園市文化局邀請劇團來演出，這嘛是響應文化部台語家庭計畫的抾點活動。煞有參與的家長反應講，台語毋但無到要求的8成，閣予濟濟老人和歹人角色講台語，進一步強化社會對台語的刻板印象，台語團體呼籲桃園文化局愛擔起監督的責任。文化局干焦講尊重劇團的創作，袂去做劇本審查，毋過現場有倩人監督，會閣進一步檢討做法。
-
全臺第一間台語實驗小學 北嶺國小開觀摩會
|高雄路竹的北嶺國小，114學年度正式成做全國頭一間台語實驗小學，九月開學到今，學校經過兩個月的推捒，今仔日也特別開觀摩會，目前學校大部份老師是台語華語雙語教學，也有專業台語老師協同上課，向望浸水式教學環境，予台語對教室行入生活。（新聞標題、導言、內文為台語文）
-
議員提案設台語小學 宜蘭縣府：實驗學校滿額
|台語新聞最近宜蘭有縣議員提案，希望設立台語實驗小學，毋過宜蘭縣府以公辦民營實驗學校名額已經滿額的理由，表示無法度閣加設台語小學。在地的台語共學團家長表示，就算講無法度辦台語學校，縣府嘛應當規畫符合宜蘭腔的台語教材，避免予主流腔濫去。教育處是回應講，怹會來研究和規畫。（新聞標題、導言及內文皆為台語文）
-
挽救偏鄉校與台語 宜蘭民代籲設台語實驗學校
|文教科技隨著時代變遷，台語逐漸沒落，宜蘭縣有民代建議在縣內設置台語實驗學校，除了希望能復興台語，也讓偏鄉面臨裁併危機的小學轉型。縣政府表示，當地實驗教育學校已達法定上限，無法再增設；不過有台文博士生建議，如果設立實驗學校有困難，可考慮先開設台語專班。
-
鹿港行踏活動 認捌在地文化、學習台文書寫
|台語新聞鹿港有民間團體舉辦「台文書藝」的行踏活動，𤆬民眾去糕餅店佮金紙店熟似市場台語，落尾閣安排寫毛筆字的老師，教民眾寫台文，予逐家毋但講台語，閣會當認捌台文的書寫。（新聞標題、導言及內文皆為台語文）
-
臺北教育大學新設台文系 明年度開始招生
|台語新聞這幾年濟濟人文學科，拄搪招生困難的挑戰。毋過台北教育大學台文所，煞傳出明年欲加設大學部的臺文系招生。台文所長表示，因為目前國校仔正式的台語師資猶閣真欠，未來系裡除了原本的文學和歷史的研究專長，欲閣發展台語師資教育，嘛向望栽培出有臺灣文史底蒂的人才，佇各產業發展。（新聞標題、導言及內文皆為台語文）
