#臺灣
-
世界盃女子棒球賽 臺灣隊拚入去明年決賽
|2026世界盃女子棒球賽B組預賽昨昏結束，臺灣隊3勝2敗，分組第3，晉級明(2027)年7月佇美國的決賽，其中球員張甄芸，毋是運動選手，毋過bat入選2023亞洲盃和世界盃預賽國家隊內野手，煞因為世界盃決賽選無牢，閣收著航空公司的錄取通知成做空服員，後來閣以投手入選國手，向公司申請留職停薪獲准，投入一個月集訓。（新聞標題、導言為台語文）
-
沙德爾掃入中國浙江 臺灣南部雨閣落一禮拜
|沙德爾風颱海上警報已經解除，毋過風颱早起登陸中國浙江，目前臺灣猶有低壓帶和西南風影響，未來一禮拜天氣猶是無穩定。 氣象專家提醒，南部的雨恐驚會落到9/6，民眾愛注意大水雨，另外西北太平洋可能會閣有風颱出現。（新聞標題、導言為台語文）
-
大雨致到臺灣農損超過9.6千萬 嘉義農損上濟
|南部一直落大雨，農業部整合各縣市的資料今仔日(8/25)下晡五點為止，全臺灣的農業損失超過9600萬，其中以嘉義4177萬上濟，雲林2700外萬排第二，這雨若繼續落農業損失可能會愈嚴重。（新聞標題、導言為台語文）
-
中國"張雪機車"拆零件進口臺灣 經濟部查扣
|日前有臺灣車主用零件分批寄來臺灣的方式，共中國的重型機車運入來臺灣予經濟部查扣。 依據兩岸條例規定，中國製作的重型機車無論是規隻抑是引擎等零件攏是禁止輸入，啊若張雪機車的創辦人煞唱講這台車若討袂轉來，就會繼續送車予臺灣車主，一直送到統一為止。（新聞標題、導言為台語文）
-
烏干達扣臺灣人護照 外交部:協商後有還轉去
|東非的烏干達進前用一中原則做理由，共四名入境的臺灣人，in的護照扣起來，外交部表示駐外館處和當地臺灣商會去協商了後，烏干達機場移民局已經佇當地時間19共護照還in。 另外，中國東方航空申請8/21欲飛中國西安往回桃園的包機，毋過這時間無佇咧大年節仔前後，目前先共in拒絕。（新聞標題、導言為台語文）
-
今日正式簽約 臺灣辦12強、洛杉磯奧運資格賽
|臺灣提著世界12強棒球賽預賽、複賽和2028洛杉磯奧運資格賽的主辦權，中華民國棒球協會和世界棒壘球總會今仔日(8/17)也正式簽約，欲做伙舉辦比賽，這改會佇臺北大巨蛋舉行。(新聞標題、導言為台語文)
-
這屆棒球12強賽、奧運資格賽 確定欲佇臺灣辦
|中華民國棒球協會宣佈，臺灣正式提著2027的12強預賽、複賽佮洛杉磯奧運資格賽的舉辦權，會佇臺北舉行；毋但球迷誠歡喜，店家嘛誠期待。（新聞標題、導言為台語文）
-
世界合唱大賽 臺灣6合唱團第一階段著6金1銀
|今（2026）年佇瑞典赫爾辛堡舉辦的國際世界合唱大賽，咱臺灣有六个合唱團參加，第一階段公開組項目咱的成績就誠好，提著六塊金牌佮一塊銀牌。 目前臺灣代表隊佮高雄的尼布恩寶來國中合唱團，繼續咧瑞典拚第二階段的冠軍賽，按算當地時間16就會知影結果。（新聞標題、導言為台語文）
-
若像一中原則起致 2臺灣人予烏干達拒絕入境
|這站仔相紲有幾若个非洲國家對臺灣無友善，2个臺灣人去烏干達，煞夆扣護照，拒絕入境、原機遣返。咱外交部指出，這可能佮臺灣因為伊波拉疫情限制烏干達怹的人來咱遮有關係；毋過嘛無排除，烏干達是因為「一中原則」拒絕臺灣人去到怹遐。（新聞標題、導言為台語文）
-
烏干達扣臺灣旅客護照 甚至原機遣返引討論
|非洲國家烏干達8月初發生兩層臺灣旅客予人扣留護照，甚至遣返的事件。咱的外交部表示，可能是佮咱國因應伊波拉的疫情，暫緩核發烏干達的簽證、限制入境臺灣有關係，會繼續佮烏干達溝通。(這條新聞標題、內容是台文)
