全國語文競賽台語組 限講華語"謝謝"引議論

全轉翕Youtube:臺中市政府教育局終身教育科讀煞的時等待評判的提問"謝謝大家"


轉翕Youtube:臺中市政府教育局終身教育科 IN]]這是全國語文競賽「讀者劇場」台語組的示範影片，結束的時選手煞是用華語說多謝。今年比賽是臺中市府承辦，17佇網路頂有民眾反應講，承辦單位要求「讀者劇場」各組的選手，咧最後愛用華語講「謝謝」，避免工作人員聽無、時間算毋著。講母語的比賽項目，煞予人要求講華語做結束，也引起議論。[[OUT]]

臺中市議員 王立任
語言意識猶閣有對這个文化的尊重其實是真欠缺教育局應該愛改進包括未來佇咧學校的教育嘛愛有正確的觀念予咱的學生囡仔知


轉翕Youtube:臺中市政府教育局終身教育科有台語團體認為，應當愛訓練各組別的工作人員了解無仝語言按怎說多謝，毋是要求選手改講華語，也指出真濟項目咧比賽進前咧說明規則的時，嘛猶是用華語咧講、應當改進，另外嘛著愛重新檢視全國語文競賽的目的和精神，避免閣出現這款情形。

李江却台語文教基金會執行長 陳豐惠

這就是愛訓練所以咱應該就是去檢視講咱欲按怎去促進這个語言的使用佇比賽內底應該佇彼个語言項目就全部攏用彼个語言來進行


轉翕網站:中華民國114年全國語文競賽 經過臺中市議員和教育局反映了後，17咧全國語文競賽籌備會開會了、嘛已經公告，讀者劇場無論佗一个語言組別的選手，攏毋免用華語說多謝來結尾。[[OUT]]

電訪臺中市教育局主任秘書 陳雅新
後續阮檢討有影是國家語言發展法內底所有任何的語言攏是咱的國家語言所以這部份重回咱比賽規定只要選手開喙進行文本表達阮就會揤碼錶算時間伊若停止表達阮就會停止算時間


轉翕Youtube:臺中市政府教育局終身教育科 

啊若今年的全國語文競賽，決賽的時間分做兩階段，像講演說、朗讀、字音字形等等的個人賽是佇11月22和23，另外，讀者劇場這款團體賽，是佇咧11月30舉行。

記者 呂尚儒 莊浚佑 臺北報導