台語新聞
《國家語言發展法》通過後，為實現推廣台語的初衷，公視2台正式更名為公視台語台，提供早起、中晝、下晡、 下暗多時段新聞資訊。
最新
「樺加沙」陸上風颱警報 拜一東半部風雨上強
強烈風颱「樺加沙」迫倚來，氣象署佇欲暗仔5點半，發佈陸上風颱警報。拜一風颱可能會對巴士海峽掃過，拜一過晝，規个東半部風雨變強；拜二西半部嘉義以南嘛愛注意風颱雨。
高雄大埤湖貨車轉彎挵著對向機車 致2死2傷
高雄大埤湖邊，中晝發生車禍。有一台貨車若像佇轉彎失去控制，衝去挵對向騎oo-tóo-bái相載的3个人，其中1人落落去大埤湖，攏總2个人死亡、1个人重傷猶咧搶救，貨車駕駛嘛送院治療。
