新竹縣啟用行動圖書館 滿足偏鄉囝仔閱讀需求

行動圖書車來到現場，車斗拍開，囡仔等袂赴連鞭衝過來，開始揀家己有興趣的冊，每一个囡仔攏看冊看甲誠認真。
偏鄉學生表示：「較早我攏無法度看著遮爾趣味的冊」
偏鄉學生：「真歡喜！(為啥物?)因為第一擺看著遮爾濟冊。」
為著加強偏鄉教育資源，新竹縣特別參科技業者合作，打造偏鄉行動圖書車，巡迴駛到尖石地區的學校，予偏鄉的學生有閣較濟的冊會當看。
科技業者 袁万丁表示：「予囡仔對細漢就對偉大的方向邁進，嘛希望囡仔未來，為社會建造閣較濟的黃金屋。」
新竹縣尖石鄉長 曾國大表示：「因為幅員傷過頭闊，所以閱讀的人並無濟，所以阮希望透過行動圖書車的利用，會當提升閱讀的機會。」
未來這台行動圖書車，按算上遠會駛入去到司馬庫斯部落，予後山地區的囡仔，嘛會當培養良好的閱讀習慣。