椰油國小推民族教育 教達悟的釣魚智識.傳統種作
發布時間：
更新時間：
蘭嶼的椰油國小，對今年9月開始實施民族實驗教育，tshuā學生行出教室，去海邊仔、田園、山林部落，將在地的達悟傳統文化佮現代智識結合，予囡仔認捌家己的文化。
學生囡仔認真聽文化老師教按怎綁魚釣仔，這節課是海洋文化民族課程，欲予學生了解達悟掠魚釣魚的基本智識
蘭嶼椰油國小對今年九月開始實施民族教育，這陣學生來上課，除了學科以外，每禮拜安排10節的民族教育課程，會當學著濟濟和達悟傳統文化有關係的課程
以在地的傳統生活節慶，安排學期活動，予學生會使綴傳統文化行，成做時間、空間、生活相敆的民族教育模式。除了釣魚、也有去部落農場體驗種作、繪畫雕刻等課程，親像今仔日的課，教室是佇海邊，欲傳予囡仔的，是海洋民族重要的釣魚智識。
椰油國小的民族課程，嘛會邀請在地居民、家長來擔任文化老師，予文化真正做到代代傳承的目標
椰油國小實施民族教育，希望文化莫斷根，但是台東縣政府教育處長林政宏表示，文化的傳承，必須愛用閣較謹慎的態度來看待
林政宏表示，咧辦民族教育的學校千萬毋通上著急，除了部落耆老的經驗傳承以外，嘛會當透過祭典儀式、歌謠傳唱，沓沓仔建立、或者是重新認捌部落文化，這陣椰油國小已經行佇民族教育這條路，除了欲予蘭嶼的囡仔知影家己的根，嘛欲建立in的自信心。
學生囡仔認真聽文化老師教按怎綁魚釣仔，這節課是海洋文化民族課程，欲予學生了解達悟掠魚釣魚的基本智識
蘭嶼椰油國小對今年九月開始實施民族教育，這陣學生來上課，除了學科以外，每禮拜安排10節的民族教育課程，會當學著濟濟和達悟傳統文化有關係的課程
以在地的傳統生活節慶，安排學期活動，予學生會使綴傳統文化行，成做時間、空間、生活相敆的民族教育模式。除了釣魚、也有去部落農場體驗種作、繪畫雕刻等課程，親像今仔日的課，教室是佇海邊，欲傳予囡仔的，是海洋民族重要的釣魚智識。
椰油國小的民族課程，嘛會邀請在地居民、家長來擔任文化老師，予文化真正做到代代傳承的目標
椰油國小實施民族教育，希望文化莫斷根，但是台東縣政府教育處長林政宏表示，文化的傳承，必須愛用閣較謹慎的態度來看待
林政宏表示，咧辦民族教育的學校千萬毋通上著急，除了部落耆老的經驗傳承以外，嘛會當透過祭典儀式、歌謠傳唱，沓沓仔建立、或者是重新認捌部落文化，這陣椰油國小已經行佇民族教育這條路，除了欲予蘭嶼的囡仔知影家己的根，嘛欲建立in的自信心。
