新竹工研院設1裝置 免鬥嬰仔身上就通測心跳

新竹工研院研發出一套毋免直接接觸皮膚，就會使隨時監測、記錄幼嬰仔心跳、喘氣的設備；明年初也欲佇全球規模上大的消費性電子展覽CES線頂展出。

就是彼个小小的裝置，毋免直接接觸幼嬰的皮膚，隔一領衫嘛會使測到囡仔的心跳和喘氣，共資訊傳到爸媽的手機仔，隨時掌握囡仔的狀態。

根據衛福部的數據顯示，2019年幼嬰意外死亡的人數有671人，其中7成是意外翕氣，未來透過這項新科技，希望通對這款的意外狀況做預防的動作。

工研院表示，雖然明年CES因為疫情關係，取消實體展覽，猶毋過台灣嘛是會積極參與線頂展覽，予台灣的科技研發實力予全世界攏看會著。

未來這項技術嘛會當結合數位科技，使用佇照護幼嬰的場所，親像是做月內中心佮托嬰中心，希望有效減少人員負擔，提昇照護品質。