雲林口湖長青食堂中央廚房 注重食品安全

現在真濟所在開辦長青食堂，雲林口湖鄉就有專門提供長青食堂料理的廚房，目前負責7个長青食堂的餐點，毋過因為人力成本真懸，這陣希望有資源通鬥幫忙，通繼續提供在地的長輩好食閣溫暖的餐點。

煮食的人分工做工課，有人煠麵、有人斟湯，嘛有人鬥整理環境。佇雲林縣口湖鄉這間中央廚房，設備是真周全，環境嘛蓋清氣，ﰀ逐日煮的物件超過3百份，提供予口湖鄉7个所在的長青食堂，所以環境和煮食的人攏經過高品質的檢驗。

==負責人 吳淳嘉==
我們的人員都是
有戴手套 還有口罩 廚師帽
所以我們的衛生標準
要求是非常高的


長青食堂的老大人逐個月只要交5百箍的飯錢，就通食著營養的餐點。

==負責人 吳淳嘉==
（住得)偏遠 所以要去買一頓午餐
就要在那個焱日之下
騎著腳踏車或者是摩托車
去買一份餐食回來


負責人講，規劃齊全的廚房，是希望煮予蹛佇較偏僻、交通無方便的序大人食晝，提供ﰀ營養閣健康的中晝頓。

==負責人 吳淳嘉==
週轉金 就是在於人力的部分
雖然政府這邊有補助30塊
但是它這個核銷沒有這麼快下來


為著予老大人食飽好過日，真濟人拍拚咧維持長青食堂的營運，毋過欲維持廚房的營運其實無簡單，無論是食材抑是人力，攏足需要外界的資源鬥相共，希望逐家鬥出力，同齊幫助相關單位做有意義的代誌。

綜合報導