保障勞工權益 勞團促定"上低工資"等5大法案

勞工職業災害保險佮保護法、23佇立法院三讀通過,但是有立委、勞工團提、佮學者表示,這對勞工的保護、猶是無夠,佇勞動節進前,in是做伙開記者、會欲來推捒五个法案的立法佮修法,希望勞工會當有、閣較完整的保護。

勞工職業災害保險佮保護法23佇立法院三讀通過,但是有立委表示,欲保障勞工,按呢是無夠,猶閣需要來推捒五大法案的立法佮修法。
立委講,職災保險法通過了後,猶有需要訂24个子法,另外閣需要推動的法律包括公益揭弊法、勞動教育促進法、最低工資法、性別工作平等法等等,向望各機關著佮勞工團體做伙討論推捒佮修法。

立法委員范雲:「這个法通過矣真好,但是伊需要有一寡子法佮行政相關的規定。」

台灣勞工陣線秘書長孫友聯:「過去幾冬,咱敢若有較穩定調整基本工資,但是法制化佮明確基本工資的調起,是一个重要的工課。」

在場的立委佮工會表示,陪產假應該愛修改,予翁婿會使平等參與;勞動教育促進法,會使自細漢培養勞權的概念;保護搤空者的法律,嘛會使預防發生嚴重的意外。

高雄社工職業工會秘書長郭志男:「像最近高雄猶閣台中,攏發生社工一個月著回捐,抑是扣七八千箍的薪資,機構會提走,社工出來檢舉了後,高雄就發生社工被迫走路。」

鬥上拼圖,象徵共勞權的缺角(khih4-kak4)補起來,立委呼籲行政部門,袂使到勞動節才來通過法案,按呢實在是傷過慢。立委表示,會佇這屆立委任期內拚通過修法佮立法,向望予勞工完整的保障。

全台敬老金大調查

相關新聞