雲林新婦佇網路整迷眾團 分享農村生活


俗語講:甘願擔蔥賣菜;也無愛佮人公家翁婿。毋過本底蹛佇鶯歌的王筱維煞是,為著愛ﰀ翁婿,甘願去擔蔥賣菜;也成做農業界的網路紅人,咱做伙來看伊的故事。





人講「嫁雞綴雞飛,嫁狗綴狗走。」本底蹛佇新北鶯歌的王筱維,為著愛,嫁去雲林東勢。煞看著闊莽莽的田,對一個都市倯是真大的壓力。毋過決心欲來佮翁婿作伙拍拚的伊,利用網路迷眾團,共農業知識一點一滴抾起來。

==嫁給農夫粉絲團 王筱維==
我周邊的朋友
都是對農業沒有什麼概念
跟沒有什麼經驗的人
我就想說
那我可以透過我的生活方式
開一個粉絲團
把我的農村生活在上面做分享
希望透過我的視角
看到不同的農村生活



無論是塗豆收成的情景、或者是抱囡仔坐佇蘆筍栽仔邊,王筱維用著無仝款的角度,予逐張相片的紀錄,攏親像咧七逃。用旅遊鏡頭的風格,呈現作穡人、靠天食飯、樂暢的態度,想袂到真受著網友的歡迎。也成做東勢地區的網路名人。

==王筱維婆婆 王麗英==
很多人在FB LINE上面
甚至我們走到街上
那個是嫁給農夫的婆婆
我們也會很有榮譽感


「有心拍石石著穿、有心開山山成園」。看著怹為台灣農業勻勻仔做,替農業做精緻化佮轉型,用攝影機記錄家己的田園,頂真疼惜土地的態度,得著滿滿的收成、網路朋友的讚聲佮鼓勵,就是上好的證明。

記者 綜合報導

 

全台敬老金大調查

相關新聞