#台灣台語
-
2/15-2/16國家語言生活節 響應世界母語日
|2/21是世界母語日，文化部佇這个拜六、禮拜欲舉辦「國家語言生活節」，來推廣台語、客語、原住民語、手語遮的國家語言。活動當中，就有改編自1950年代的仝名臺灣báng-gà《諸葛四郎－大戰魔鬼黨》，會放送台語、客語兩个版本，邀請民眾鬥陣聽母語、講母語、了解母語文化。（此則新聞標題、內文為臺語文。）
-
拚2026台語家庭達到4萬戶 文化部欲送獎金
|行政院核定國家語言整體發展方案，按算2026年欲達成台語家庭4萬戶的目標。文化部11月底也正式推捒「台語家庭計劃」，家庭成員會當透過申請參加課程活動、累積點數，上尾會有獎勵金。學者佮民間團體攏認為，台語家庭計畫用鼓勵的方式來引導民眾學台語，而且以家庭做起，對提升母語意識應該真有幫助。（此則新聞標題、導言、內文皆為臺語文。）
-
民間欲辦台語政策會議 招中央參加、交流意見
|自7月至10月底，文化部等單位有辦「國家語言發展會議」分區論壇和正式大會，雖然有討論臺語政策推捒的現狀，但是濟濟民間的臺語推廣團體認為，這个會議推捒臺語政策的力頭無夠，所致in決定欲佇12/22辦一个「全國台語政策民間會議」，毋但會邀請中央部會參加，嘛會開放民眾報名，希望這个會議通成做民間佮政府之間交換政策想法的平台。（此則新聞標題、導言、內文皆為臺語文。）
-
10/26-27國家語言正式大會 討論復振狀況
|國家語言發展會議，分區論壇攏總11場，包括台語、客語、手語等等，攏已經結束。今正式大會佇咧這禮拜六、禮拜舉辦，收集進前論壇的各種意見，欲來綜合討論自語發法施行以來，國家語言的發展狀況。（此則新聞標題、導言、內文皆為臺語文。）
-
閩南語正名臺灣台語 客家人不滿文化部論壇
|國家語言發展會議，27台北舉辦第一場的「臺灣台語北區論壇」。早起佇咧會議進前，有濟濟客家鄉親到外口，抗議會議無客語、原住民語專場，也批評教育部共臺灣閩南語、改做臺灣台語。（這則新聞標題、前言、內文為臺語文。）
