菸害防制法欲修法 無20歲禁噗薰.嚴格禁電子薰

民間團體提美國16歲少年人食加熱薰肺部嚴重損害做例,指出國際濟濟資料明確指出,電子薰和加熱薰的成份會損害健康。

菸害防制暨戒菸衛教學會常務理事郭斐然說明,「加熱菸的毒物有含汞,這是重金屬,甲醛、乙醛、亞硝胺,這是致癌物。有鉛,這嘛是重金屬,遮的重金屬和致癌物,佇電子薰內攏揣會著。」

財團法人董氏基金會主任林清麗表示,「伊過幾年就換一改,佇世界衛生組織的網站,有93種有毒化學物質。」

新型薰草電子薰、加熱薰過去因為無法源依據,袂少家長攏誠煩惱,這陣佇菸害防制法內列做類薰品,立法院13辦修正案公聽會,針對提懸禁薰年歲到20歲,擴大禁薰場所到學校、幼稚園、托嬰場所,各縣市按怎有效稽查無經過健康評估的薰品佇輸入、銷售、廣告等等七大重點做討論。

衛福部常務次長石崇良表示,「行政院各部嘛會加強各部會合作關係,包含由經濟部配合禁止電子薰的輸入,財政部財委會、交通部會定期查扣電子薰,建立電子薰的樣態監控。」

國健署菸害防制組簡任技正劉家秀講,「實際上逐家對修法的部份有高度共識,佇新類型薰品後續按怎管制佮管理,逐家嘛會使提出無仝看法。」

菸害防制法頂改修法是15年前,修正案佇三月初一已經一讀通過,衛福部強調未來會加強跨部會稽查和宣導,條文內也嚴格禁止佇網路賣電子薰,紲落來就等立法院逐條審查,民間團體希望這會期就會當通過。

相關新聞

專題|全台敬老金大調查