懷念馬雅各過往百年 臺南教會爭取設紀念公園

為著紀念英國的馬雅各醫生別世百冬，臺南青年公園佇今仔日舉辦紀念活動，紀念馬雅各醫生，也感謝守護臺灣，徛佇前線的醫護人員。


教會囝仔精彩的拍鼓表演，馬雅各醫生過往一百年，紀念園遊會正式開始，英國在台辦事處代表鄧元翰、副總統賴清德嘛特別來參加，英國佮台灣的關係，對156年前馬雅各來台灣彼時陣開始，in兩人攏希望未來愛加強雙方的合作關係。

這擺紀念園遊會，攏總180擔，主辦單位嘛準備50箍的招待券，予台南的醫護人員，表達對防疫人員的感謝，園遊會佇台南的青年公園，嘛有特殊意義，在地教會希望爭取改名做馬雅各紀念公園。

目前地方教會當咧爭取公園附近里民的支持，希望六月會當有結果。