陳文成紀念廣場落成 提醒臺灣堅持人權.民主

今年是陳文成事件40週年,陳文成博士紀念基金會、台大數學系、學生會等等的單位,也捌共外界募款,經過久年的爭取,「陳文成事件紀念廣場」2/2正式啟用,出席開幕的台大校長-管中閔表示:這个所在,是欲提醒台灣,著愛堅持人權佮民主。

經過久長的爭取,自2015年台大校務會議通過立牌,經過濟濟紛擾,閣到舊年流標以後、才來動工的陳文成事件紀念廣場到今總算完工。

祀佇紀念陳文成事件廣場的這个作品,叫做空白,代表的是佇事件以後,閣有誠濟予人疑問的歹誌。

烏色形體是欲打造監獄佮偵訊室的氣氛,陳文成當年是台大數學系校友,佇美國提到博士學位,積極幫助民主運動,轉來台灣探親,煞予警備總部約談,莫名死佇台大校園。這馬邊仔寫有堅決抵抗國家暴力勇者幾字,是基金會認為上會當代表伊的詞,毋過煞也意外發現,台大對國家暴力這四字有意見,活動結束了後可能會予學校拆除,基金會是表示,因為這部份猶未定案,所以閣會參學校討論。

全台敬老金大調查

相關新聞