蘇明淵.朱海君 奪金曲獎最佳臺語男女歌手

音樂界的年度大代誌「第31屆金曲獎」,昨昏佇臺北流行音樂中心舉辦。這屆提著最佳臺語男、女歌手獎的,分別是蘇明淵和朱海君;最佳台語專輯是濁水溪公社的「裝潢」;猶閣有2017年,提過最佳台語男歌手獎的謝銘祐,這遍是以「路」這條歌,提著最佳單曲製作人獎,佮最佳作詞人獎。

第31屆金曲獎最佳臺語男歌手蘇明淵,本業是律師,30年來,無放棄對音樂的夢想,佇倚五十歲的時著獎,心情真激動,嘛特別感謝伊的爸母,予伊有台語創作的能力。

最佳臺語女歌手獎,是來自高雄美濃的朱海君提著,本身是客人的朱海君,致詞嘛特別以台語表示,無想過會徛佇這个舞台,領這个獎。

今年最佳台語專輯是濁水溪公社的「裝潢」著獎,府城歌王謝銘祐,嘛以「路」這首歌,提著最佳單曲製作人獎佮最佳作詞人獎。另外今年金曲獎的開場表演,特別邀請台語、客語、原住民語的歌手,同齊演出,展現出台灣豐富的音樂活力。

相關新聞

專題|全台敬老金大調查