霧峰國中結合在地特色 教學生種香菇

霧峰國中共學校的本位課程結合在地特色，教學生種香菇，對搜塗拌菌、貯太空包攏予學生囡仔親身體驗，予學生攏感覺誠趣味。


夯沙挑僥塗，共菌拌予齊勻。才閣共塗貯入去橐仔底，就貯予實櫼、橐仔縛予絚，袂當有空氣。貯好就閣送去工場殺菌，按呢才會當來種香菇。學生囡仔頭一擺體驗，攏講誠心適。

==霧峰國中 學生==
這是我第一次種香菇
這是讓我學習到很多新知識的地方


校方表示，新課綱強調各領域整合課程，透過本位課程結合霧峰在地特色，予學生毋但會當認捌故鄉，也會當學習新智識。

==霧峰國中老師 謝韶鏞==
在讓孩子照顧成長這個菇類的過程
其實也融入了生命教育
那接下來他們要照顧
然後要收成　統計
那這個就是數學的部分


校方表示，種香菇的課程辦幾若冬，效果真好。包括統計香菇發幾蕊，學生也著設計料理、閣著展示予全校的人看，種香菇結合數學、家政、鄉土、表演藝術閣有性命教育，予學生迒領域學習，有影是一兼幾號顧。

記者 綜合報導