規畫2027全面禁潘飼豬 明年開始1冬內轉型

拜二早起、來自各地的豬農、和農業部、針對禁止用潘飼豬的議題、召開會議，因爲農業部規畫對2027年開始，全面禁止用潘飼豬。農業部拍算予豬農佇2026年、一年的時間做轉型。這个政策一咧出來，支持佮反對的豬農攏有、目前猶用潘飼豬的豬農，認為有監控系統、共潘煮過就無問題、希望莫全面禁止。

新北市養豬協會監事 洪麗玲
潘有經過高溫炊煮才來予豬仔食是上好的處理嘛向望中央會當予潘飼豬戶一條活路

毋過也有豬農非常贊成，認為根本農業部根本無需要等到2027年才實施，進前國內爆發非洲豬災已經看出問題，這馬就愛全面禁止。

中華民國養豬協會理事長 潘連周
堅決反對潘閣再進入阮的牧場莫講一年的落日條款根本就無需要已經處理遐久矣

對此，農業部是回應、這个政策猶未定案，因為目前國內閣有8个縣市無全面禁止，所以才會開會，希望聽各界的聲音。

農業部防檢署長 杜麗華
無啦無啦逐家先徵詢地方佮相關單位逐家的意見上主要抑是拜四的時陣規个政策才會拍板確定

為著欲鼓勵豬農，改用飼料、農業部也推出轉型方案，今年底提出申請者，每隻豬會當補助3600箍，設備補助上懸會當補助到300萬，農業部表示，未來會提出閣較濟方案，幫助豬農轉型。

記者 鄭亞宣 謝季潾 臺北報導