戲團進駐板橋放送所 成做劇團經營古蹟頭一例

表演武松打虎的戲齣，也象徵出名京戲團當代傳奇欲進駐2市定古蹟板橋放HONG2送所的新氣象，這也是藝文團體參與新北市古蹟營運的第一件，預計2打造3科技藝術空間。

當代傳奇文化藝術基金會董事長 吳興國表示，「這个虛實相生的空間內到底欲舞啥物？拄仔好阮藝文團隊經營了36冬，當代傳奇劇場有真濟真濟東西方的文學經典，會當參科技敆做伙。」

當代傳奇表示，過去文創園區較濟攏是商業進駐，希望藝文團體經營，不只推展傳統文化結合古蹟，也希望融入社區。新北市府也表示，板橋放送所佇104年登錄liok成做市定古蹟，對戶外整理到開放民眾使用，到舊年進行第二期本體修復8，總經費六千外萬，就是希望通予老建築有新生命。

新北文化局長 龔雅雯表示，「主體工程的部份會佇今年八月完工，希望佇明年六月阮就會使全面性開放予市民參與。」

新北市政府表示，這改開前例了後，未來古蹟活化的部份就通比照辦理，當代傳奇也表示，預計4棟建築欲規劃劇場、排練場等等，希望傳統藝術的推廣也通愈來愈現代。