保障學生午餐食食安全 民團推"學校供餐法"
鄭雅文 林郁凱 / 台北報導
發布時間：
更新時間：
囡仔佇學校的營養午餐、過去捌因為菜色無夠營養、等等引起爭議，有幾若个民間團體參立委佇初六開記者會，對外公佈成立、學校供餐法推動平台，希望供餐愛有法律保障，對源頭管理食材，資訊也愛公開，也愛共「行政警察權」入法、保障校園食食的安全。
學校營養午餐的菜色、敢有夠營養，是家長關心的代誌，這馬民間團體成立平台，推出第一个民間版本的〈學校供餐法〉，明定主管機關愛佇學校設專責的供餐委員會、閣愛共行政警察權入法，才通落實保障校園飲食安全。
台北律師公會公益事務委員會委員謝孟羽：「予各層級的主管機關攏有權利去做檢查、去做監督，你袂當拒絕、袂當隱瞞。掠準你拒絕抑是隱瞞，阮有罰責通罰。」
學校營養午餐的菜色、敢有夠營養，是家長關心的代誌，這馬民間團體成立平台，推出第一个民間版本的〈學校供餐法〉，明定主管機關愛佇學校設專責的供餐委員會、閣愛共行政警察權入法，才通落實保障校園飲食安全。
台北律師公會公益事務委員會委員謝孟羽：「予各層級的主管機關攏有權利去做檢查、去做監督，你袂當拒絕、袂當隱瞞。掠準你拒絕抑是隱瞞，阮有罰責通罰。」
大享食育協會秘書長黃嘉琳：「掠準咱無中央層級的法源，每改地方選舉的時陣，學校的午餐就變成政治人物開支票、掖錢，這个亂象就無法度解除。」
另外，民間團體也反映，這馬有專職營養師的國中小只占17%，應該愛提升比率，現場也用日本、韓國學生用的餐盤，並台灣的大碗公相比，認為台灣學生根本看無飲食按怎才均衡，另外學校中晝頓時間也傷短，應該愛延長。
另外，民間團體也反映，這馬有專職營養師的國中小只占17%，應該愛提升比率，現場也用日本、韓國學生用的餐盤，並台灣的大碗公相比，認為台灣學生根本看無飲食按怎才均衡，另外學校中晝頓時間也傷短，應該愛延長。
北市國中學生家長會聯合會總會長宋全娟：「其實我每改看著囡仔食飯，就是囫囫的，全部攏一喙吞落去，大部份囡仔伊若無吞落去，伊著擲掉，阮希望這个時間，真正會使閣較長淡薄，予囡仔真正會當知影，我今仔日食的到底是啥物食物，對我的身體有啥物好處。」
另外親像食材來源、成本公開透明、彈性供餐無受區域限制等等的改變，攏納入佇這个民間版的「學校供餐法」內底。參加記者會的立委范雲也表達肯定，表示會監督立法院趕緊排審，希望佇明年母親節進前通完成立法。
另外親像食材來源、成本公開透明、彈性供餐無受區域限制等等的改變，攏納入佇這个民間版的「學校供餐法」內底。參加記者會的立委范雲也表達肯定，表示會監督立法院趕緊排審，希望佇明年母親節進前通完成立法。
2022杭州亞運 台灣百金之路
