中正大學踮民雄市場排展覽 老相片說在地歷史

嘉義縣民雄的中正大學，這站仔佇當地的菜市仔，舉辦一場舊相片的展覽，展出在地的舊相片，閣有學生囡仔，調查民雄市場遷徙的記錄，透過行動，來關心傳統市場的文化佮歷史。

看相片講故事，一張一張民雄古早時的寫真，展佇傳統的菜市仔內，來來去去的民眾感覺真心適。

除了在地的舊相片，閣有中正大學的學生，調查民雄市場遷徙意願的時陣，所做的記錄。

這擺的展覽有超過150張的相片，有學生家己翕的，嘛有在地人提供，閣有建築系學生研究的民雄市場，希望閣較濟人透過參觀這三層樓的展覽，更加了解傳統菜市仔，嘛揣出傳統市場未來發展的可能性。