東港高中疑煏食物中毒 195師生送急診.12人蹛院

屏東東港高中好親像有規陣學生做伙食歹腹肚、食物中毒,對翻點開始,就有學生無爽快送病院急診。目前已經有195个學生去看醫生,12个咧蹛院、15个留病院觀察。這寡出問題的學生,攏是食仝一間的營養午餐,衛生局已經要求業者先停業,相關的菜色也送去檢。

屏東輔英病院的急診室人kheh滿滿,閣有學生相連紲來掛號,屏東的東港高中,爆發師生集體中毒的事件,附近病院對11的暗時,就直直有學生因為澇閣吐來就醫。

有家長講囡仔哀講腹肚無爽快,猶未入校門就先轉到病院來,急診的醫師是表示,較嚴重的學生有發燒的狀況,也有收著老師,判斷應該是集體中毒就馬上通報衛生局。

衛生局表示,收著通報後,就隨請人去營養午餐廠商的中央廚房做稽查、也已經留有相關的檢體做檢驗,後續就等待報告。兩間營養午餐業者先停業,校方表示,今天請假的學生有231个,早起各班也做消毒,屏東縣長潘孟安也佇面冊向家長佮學生會失禮,講縣府會全面檢討營養午餐的機制!

全台敬老金大調查

相關新聞