臺北新慶利絞米廠傳四代 今登錄歷史建築

採訪中當拄好有家長tshuā幼稚園的囡仔來參觀。

佇米廠內底，閣會使聽著陣陣的絞米聲，欲2層樓懸的米絞，將糙米變白米，運作超過半世紀，也見證這途佇大稻埕，對清朝後期經營到今的興敗。

受訪問的頭家姊弟仔是第四代、自阿公留落的米店，磅仔、古早的收錢台、時鐘，傳統閩南式建築蹛商合一誠罕見，嘛是歷史痕跡，最近市府文化資產科，也同意登錄成做歷史建築。

米廠因為少年一輩毋願承接，佇提著文資身份了後，家族希望會當修復轉型，予老米廠繼續保存。