關西居民同齊改造亭仔 推廣在地美學和特色 - 公視新聞網

關西居民同齊改造亭仔 推廣在地美學和特色


新竹縣最近這幾冬;真濟社區攏有咧推廣生活藝術釘根的計畫,希望對家己的故鄉產生認同。親像人口搬徙誠嚴重的關西,最近嘛揣社區的序大鬥相共,用竹仔佮粗瓷枋、起一座涼亭仔。

社區真濟婦女,跔咧塗跤佮老師學竹編,無人喝忝。上課5個外月,總算共社區內底逐家定咧啉茶開講的亭仔,改造完成。

文化局透過生活藝術計畫,當咧推捒社區美學,這改是選咧新竹縣臺三線的重要入口,客人庄的浪漫大道,希望強化在地特色。

鄉親期盼這座亭仔,未來閣會當佮社區的導覽敆做伙,展現關西鎮早期歷史佮在地文化的特色。

相關新聞

留言區