24H直播

官方、民間企業合作 捐予烏克蘭48台救災車輛

發布時間: 更新時間:
「Taiwan can help」去到烏克蘭!臺灣社區協會佮臺灣基督長老教會今仔日舉辦送救災車佮醫療器材到烏克蘭的運送儀式。熱心的臺灣企業家出錢出力,募著48臺救災車欲送去烏克蘭,頂頭有印愛心、臺灣參烏克蘭的國旗,希望共臺灣人的愛心湠到全世界。(此則新聞標題、導言、內文皆為臺語文。)

超過四十隻的救護車、消防車,排佇廣場頂懸,看起來是誠壯觀。

遮是彰化伸港鄉公所的廣場,由台灣社區協會和基督長老教會所舉辦的,送救災車輛和醫療儀器、器材到烏克蘭的啟運儀式,30早起舉行。車頂懸攏有印愛心佮台灣參烏克蘭的國旗。

外交部歐洲司司長 姚金祥:
48隻車 排做伙真正非常壯觀
希望會當看著烏克蘭戰爭
早一日結束的願望
欲去到烏克蘭的戰場
紮咱人民的祝福
今仔日看著這款的場面 真震撼
真正非常感動

烏俄戰爭到今已經相戰超過一冬半,烏克蘭內部的物資猶原欠缺,今年有善心人士協助修復,結合各界人士的支持和幫忙,聯絡烏克蘭當地陪和醫療機構的需要,募集台灣各縣市政府消防及社福單位的救災車輛和醫療器材,發揮Taiwan can help的精神。

善心企業家 白璨榮:
我愛趕緊共恁這馬看著的遮的
完整送去烏克蘭土地
指定予ﰀ專人來收
送去各病院 療養院 前線
較重要 所以袂當閣再等矣

烏克蘭台灣隊召集人 林歐莉亞:
咱攏真需要
所以這是一个真讚的實際幫助
因為內面除了救護車
閣有吉普車 水箱車 消防車
遮的攏是特殊用途的車

佇咧烏克蘭,就算講毋是戰爭的前線,一般地區也因為空襲,嘛真要僅需要遮的物件。烏克蘭NGO和國會議員提出需求,經過五個月的修繕,這批車輛拍算佇咧七月中送出去,向望將台灣人的愛心湠到全世界,嘛向望這場戰爭趕緊結束。

您的參與,
讓公共服務更完整!
閱讀、按讚,就能客製您的專屬推薦新聞
本網站使用 Cookie 技術提升體驗,詳見服務條款。繼續瀏覽即代表同意上述規範。