徛千里鏡觀天斗 嘉義蘭潭國小用臺語教天文學
加入公視會員，
按讚收藏你關注的報導
發布時間：
更新時間：
用天文學做學校特色課程的嘉義市蘭潭國小，佇1998年設立星象廳佮千里鏡的設備。學校嘛拍拚推展天文教育，為著欲予囡仔佇學習天文智識的過程，順紲了解臺語的使用，學校這陣閣邀請臺語老師，替學生規劃、使用臺語文的天文課程。
台語老師佇台頂講后羿射日的故事，說明日頭為啥物佇故事內底，號做金烏了後，紲落來嘛準備紹介今仔日上課的主角，太陽（thài-iông）。
除了佇室內的上課，嘛有予囡仔佇室外實際觀察的課程，嘉義市的蘭潭國小，以天文科學來做學校的特色教育，毋但逐禮拜攏有安排天文科學的課程，閣有專業的天文設備，予囡仔會當有完整的體驗教育。
為欲予囡仔會當佇科學的課程中，會曉使用台語，蘭潭國小結合台語佮天文科學，規劃台語文的天文學課程，老師透過故事、俗諺（sio̍k-gán）等等方式，予囡仔會當運用佇生活當中。
學校指出，科學教育佮傳統母語的結合，除了是予囡仔會當學著台語，閣較濟的部份，嘛是希望透過台語的傳播，予天文科學的智識，會當增加囡仔佮序大的交流。
老師表示，天文科學的課程，主要攏是西方的科學智識，內底有誠濟專有的名詞，字典無一定揣會著。毋過學校強調，就是因為這款情形，才愈欲來推捒用台語學天文，予相關台語文的使用會當愈來愈齊全。
台語老師佇台頂講后羿射日的故事，說明日頭為啥物佇故事內底，號做金烏了後，紲落來嘛準備紹介今仔日上課的主角，太陽（thài-iông）。
嘉義市蘭潭國小學生葉同學：「彼个日頭一擺只會當出現一粒，但是in足想欲出去耍，然後就全部做伙出去，后羿射掉九粒太陽。」
除了佇室內的上課，嘛有予囡仔佇室外實際觀察的課程，嘉義市的蘭潭國小，以天文科學來做學校的特色教育，毋但逐禮拜攏有安排天文科學的課程，閣有專業的天文設備，予囡仔會當有完整的體驗教育。
嘉義市蘭潭國小校長邱榮輝：「嘉義市對天文教育這方面，攏以咱蘭潭國小為主，來遮的天文台做一寡課程的開發，佮天像變化的觀察，所以無仝款的課程，予囡仔有無仝款的學習佮研究，天文台就是咱一个使用甲真好的工具。」
嘉義市蘭潭國小台語老師鍾佳蓉：「因為我感覺講咱教，當然天文是咱蘭潭國小的特色，天文著愛教，猶毋過講一寡俗諺語的話，咱會使共咱生活當中的一寡，一寡話嘛教入來，予遮的囡仔會使學閣較濟母語。」
嘉義市蘭潭國小學生朱同學：「你準備的是啥物，冬寒雨四散，這啥物意思你敢知，就是寒天愈冷愈袂落雨，這是你家己去揣的，猶是厝內的人共你講的，厝內的人共我講的。」
嘉義市蘭潭國小校長邱榮輝：「透過台語文這个美麗的講法，會當予咱的社會大眾，毋但是咱的囡仔，攏會當熟似著天文的美麗，來佮意天文這个智識。」
老師表示，天文科學的課程，主要攏是西方的科學智識，內底有誠濟專有的名詞，字典無一定揣會著。毋過學校強調，就是因為這款情形，才愈欲來推捒用台語學天文，予相關台語文的使用會當愈來愈齊全。
