臺中特教學校產學合作 予學生學扞咖啡店

台中市特殊教育學校，為著予遮的身心有較不便的特殊教育學生，冗早適應就業的環境，專工打造一間咖啡廳」予學生實習，加強煮咖啡、服務人客、扞店的技術，未來通進入社會。

跤手扭掠、倒牛奶、拉出心型的咖杯花，今年才提著總統教育獎的特殊教育生俊祥，這陣人就佇台中特教生實習商店學煮咖啡的功夫。

不管是烘麭、做點心抑是煮咖啡，俊祥逐項攏盡力學，伊的同事童童也真打拚，負責顧冷凍櫃，替人客挖冰淇淋。

這間號做「糟老頭咖啡」的實習商店，是台中特殊教育學校專工和企業合作，予特殊教育生佇正式就業進前有實際訓練的場所，試營運兩個月，這陣疫情也較咧，才正式對外營業。

看起來普通的咖啡店，對遮走比人較慢的囝仔來講，意義真大，因為in通惦遮提早適應社會，感受競爭力，用家己的雙手賺食，也望社會接納in，予in發揮的舞台。