台電退休經理盡心種紅龍果 受著濟濟人客肯定
發布時間：
更新時間：
對臺電退休的經理，退休後學種紅龍果，伊佇網路揣資料、學技術，閣利用燈光來調整產期。伊種的紅龍果，名聲真好，做伙來了解。
紅龍果毋但生了媠，看起來閣飽水，定著有好滋味。這是陳碧宗用心種作的成果，陳碧宗按台電退休了後，對種紅龍果成有趣味，就家己上網路揣資料、學技術。
有心拍石，石成穿。雖罔陳碧宗較早無作穡的經驗，毋過伊按種作當中學習經驗，經過3冬的拍拚，今成績是不止仔好。毋但學會曉用照光的方式，落去控制產期，1冬上無會當收成20擺，閣為人客的健康設想，堅持無愛用化學肥佮蝨草劑。
因為陳碧宗對種作的用心佮堅持，所致伊種出來的紅龍果生了媠、大粒，閣好食，莫怪掛品質的紅龍果一下起去網路賣，就隨予人客號甲了。
綜合報導
823公投》重啟核三，你怎麼看？
