屏東銀閃閃合唱團比賽 阿公招阿媽比並

屏東縣政府舉辦銀閃閃合唱團比賽，縣內的阿公、阿媽鬥陣來車拚，參加的人數是一冬比一冬濟。


====
磅空的水伊都 丟丟銅仔伊都


這陣阿公阿媽組合唱團來比賽，雖然有的人頭毛白蒼蒼、有的人是滿面的皺紋，毋過笑容滿面也真有自信，綴著音樂的旋律、身體搖振動，不時比手勢，不時分部合唱，毋管是傳統民謠，抑是流行歌，阿公阿媽唱起來，氣勢無輸少年人。

==麟洛麟頂關懷據點合唱團團員 陳耀棠==
大家對音樂有信心
平常無時無刻在練習
==春日古華關懷據點合唱團指揮 蔣玉玲==
透過這樣的練習
我們的感情 關係更好
然後讓長輩有這樣的舞台
讓他們有這樣的機會來參與
他們覺得很驕傲


「有心拍石、石著穿，有心開山、山成園」這回銀閃閃合唱團比賽有屏東縣21個鄉鎮、攏總32隊825位，來自關懷據點的序大報名參加。這陣序大平均歲數是75歲，其中也有真濟目睭無好、甚至是毋捌字的序大，透過一擺閣一擺的練習，拚勢共歌詞、旋律、動作攏記起來。做伙激頭腦、身體也變佮真活靈。

==屏東縣長 潘孟安==
大家可以透過這種音樂的練習
增加我們記憶力
包括我們聽覺 視覺
包括我們的注意力


「食到老，學到老」是這陣阿公阿媽對唱歌的熱情、也是對人生的態度。毋管是台語、客語、原住民語，攏透過音樂來交流，也予關懷據點的序大，透過一擺閣一擺的合唱，共逐家箍絚絚，也用美妙的歌聲，提著家己人生的勝利。

記者 綜合報導