#臺南
-
臺南補習班老師涉偷翕、性騷擾 30个囡仔受害
|台語新聞臺南官田一間私立補習班姓張的查埔老師，涉嫌對2019年起，佇便所藏攝影機偷翕，閣會趁改作業抑是囡仔睏晝的時陣對in跤來手來，一直到舊年有查某學生，佇學校寫性平學習單才煏空，經過調查受害者有30人。臺南地檢署1/30偵結，按照兒少性剝削防制條例對姓張的老師起訴，請法院判重刑。（新聞標題、導言為台語文）
-
民進黨提名 嘉義縣長佮臺南、高雄市長候選人
|台語新聞民進黨高雄市、臺南市、嘉義縣初選結束了後，今仔日正式通過提名賴瑞隆、陳亭妃、蔡易餘3人參選，黨主席賴清德也親身替in袚競選帶仔。若講著臺北市長蔣萬安想欲拚連任，民進黨派誰出來選受著關注。特別是臺美關稅談有結果了後行政院副院長鄭麗君的聲望也愈來愈懸。（新聞標題、導言為台語文）
-
高鐵臺南站有人雄雄落落軌道 予車挵著過往
|台語新聞高鐵臺南站落南的月台，1/13早起有民眾雄雄跳落月台，予列車挵著，當場過往。這場事故也造成上北落南的車幫攏有慢分，一直到下晡欲一點才全線通車；啊若事故的原因，警方閣需要調查。 為著欲防止類似事件，高鐵表示，會設月台門，按算2028年完成。 （新聞標題、導言為台語文）
-
業者2年捐45台消防車涉貪 檢方搜臺南消防局
|台語新聞廉政署今仔日早起𤆬隊前往臺南市消防局進行搜揣，根據了解，搜揣的目的是佮民間捐消防車有關係，因為兩年內民間捐贈45台消防車，攏是共仝一間公司買的，調查人員將相關的車輛資料佮捐贈名單紮轉去，準備理清是毋是有人提著好空的。對此，臺南市消防局用文字回應表示，案件已經進入司法程序，會全力配合廉政署的調查。（新聞標題、導言為台語文）
-
國旅調查上濟人想欲去花東 宜蘭臺南綴後頭
|台語新聞國內有旅遊比價平台針對用戶做國內旅遊調查，發現上吸引逐家去旅遊的縣市，第一名是花蓮台東，才來是宜蘭和臺南。調查也發現，旅客上期待改善的項目，包含蹛房的價數和透明度，閣有風景區交通的便利性等等。抑若觀光署，今年目標是一千萬人次國際旅客來臺灣，最後改作9百萬人次，到12月中上新統計，來臺灣的國際旅客拄超過八百萬人次。（新聞標題、導言為台語文）
-
-
臺南烏樹林園區廢棄物燒規暝 今仔下晡拍化
|今年7月丹娜絲風災了後，臺南受災戶清出來的廢棄物，暫時鎮佇後壁、烏樹林園區。昨暗規片煞燒起來，今仔下晡火才拍化。這場大火也影響著空氣品質。過晝開始剾西北風，後壁、柳營、東山Tong-san、官田、善化這5區的鄉親，盡量窗仔門關予峇。 [[NS]] 大火伴隨濃煙不斷竄出，火光點亮黑夜也讓鄰近住戶膽戰心驚，因為地方早示警這處風災後大量廢棄物堆置地曾有過火警。 當地農民 張令騰 我們也跟中央的那個環
-
臺南今年頭例本土天狗熱 移工帶病入境傳染
|台語新聞臺南今年頭一擺出現本土天狗熱病例，閣一睏仔增加2个，源頭是來自一个帶病入境的案例；這3个人攏是仝一間工廠的員工，研判是群聚感染。衛生局趕緊去消毒，呼籲鄉親著注意環境衛生。（新聞標題、導言及內文皆為台語文）
-
教保員刊囡仔相片閣共侮辱 教育局：會徹查
|台語新聞臺南某一間私立幼兒園的助理教保員，共囡仔的相片囥佇伊個人的社群平台，閣刊文共伊剾洗、罵垃圾話。有民眾去檢舉了後，這位助理教保員已經關口座，人也離職，毋過教育局強調，就算離職嘛是會繼續查違法行為。抑若另外一間公立幼兒園，3冬前也發生不當管教的代誌，最後裁處是不當管教，毋是體罰，予家長誠不滿。（新聞標題、導言為台語文）
-
中秋連鞭欲到 今年麻豆文旦風災損蕩減8成
|台語新聞十月份中秋節連鞭到，臺南麻豆文旦最近差不多攏已經採收矣，就是因為進前丹娜絲風颱，造成麻豆文旦大量落果，產量干焦賰兩成，今年是閣較搶市，毋過猶是有誠濟果農堅持無欲起價，欲佮老顧客維持這份感情。（新聞標題、導言及內文皆為台語文）
