#臺南
-
湯德章舊厝90年、損害嚴重 協會募款欲修復
|湯德章紀念館佇兩年前，由公民的力量做伙集資共買落來。毋過，這棟九十年的老厝已經年久失修，內底會漏水，閣加上這間厝無拍地基，損害真嚴重。為著欲保存文化資產，協會發起修復計畫，但是需要真濟經費，拍算欲對外募款。(本則新聞標題、導言、內文皆為臺文)
-
UBike用戶個資漏洩 臺南議員質疑市府應對傷慢
|YouBike公司的系統受著境外攻擊，全台灣可能有四萬偌人的個資洩漏。YouBike下晡提出補償方案，受害的會員每一个人有五百箍的騎車券，按算會佇九月底進前發放。（這條新聞標題、前言是臺語文。）
-
南市推智慧停車 擴大設置停車柱、用APP揣車位
|對駛車的人來講，上頭痛的問題、就是停車問題。臺南市政府是全台第一个、推動智慧化路邊停車的服務，目前有一萬一千閣，覆蓋率已經有78%。市府表示，明年欲衝到九成。另外，嘛推出臺南好停車的APP，予民眾會使隨掌握、停車格仔的資訊。(本篇新聞標題、導言、內文皆為臺文)
-
臺南欲試辦取消"分2改倒斡" 民眾有無仝見解
|最近臺南的交通受著關注，為著改善車路交通安全，進前交通部針對機車開放一寡路權，就有提出毋免兩段式倒斡的措施。臺南就有人咧傳講一寡路口欲先試辦。臺南市交通局表示，目前會先檢討內線車道的安全，才閣來評估、取消兩段式倒斡的可能性。(本篇新聞標題、導言、內文皆為臺文)
-
臺南.高屏高溫柑仔色燈 連2日會衝到38度以上
|最近這兩日仔，全臺灣攏熱翕翕，佇臺南的北寮就超過38度。氣象局發佈高溫資訊，臺南、高雄、屏東等等區域是柑仔色燈號，愛避免佇外口拋拋走，甚至是作穡；北部、中部也有一寡所在出現黃燈，就是36度以上。另外講著水情的問題，氣象局預估，氣候趨勢有行向聖嬰現象的趨勢，風颱誠有可能離臺灣越來越遠。(本則新聞標題、導言皆為臺語文)
-
臺南到病院前緊急救護案 1年有400件重大創傷
|根據臺南市消防局統計，到病院前的緊急救護，1年大概有400个重大創傷案件，毋過臺南只有兩間醫學中心，而且攏咧市中心，近期消防局規畫增設到病院前的超音波，配佇新營、關嶺、玉井、佳里、新市佮歸仁等6个較偏鄉的消防分隊救護車，希望會當降低重大創傷的死亡率。(這條新聞標題、前言是臺語文。)
-
臺南歸仁農會食農教育 ﰓ學生採收.豉白菜
|臺南歸仁農會和青農做伙辦食農教育的活動，教特教班的學生種菜、挽菜，閣家己醃醬鹹仔，逐家攏耍甲真歡喜，過程中也認捌真濟菜蔬佮農業的智識。(這條新聞標題、前言是臺語文。)
-
冷氣團到位.拜六暗上冷 臺南以北低溫賰11度
|冷空氣一陣接一陣，氣象局表示，這陣冷氣團會影響到拜三。拜五開始，後一陣冷空氣會落南，臺南以北可能會到11度。另外，這禮拜因為東北風共境外汙染物吹來，影響著台灣的空氣品質，專家提醒民眾上好減少戶外運動。另外空氣汙染也可能造成酸雨，基隆已經連紲24年雨水的pH數值攏佇5以下。
-
臺南請耆老紹介糖廠歷史 行銷地方.守在地文化
|臺南善化的六分社區，本底是靠製糖出名的庄頭，毋過這幾冬煞人口流失誠嚴重，社區為著欲行銷地方，舉辦營造成果展，閣邀請94歲的老大人來紹介糖廠的歷史，予民眾閣較認捌在地文化，嘛帶動觀光經濟。
-
賴清德參選民進黨主席 委託鄭麗君代替登記
|九合一選舉民進黨選輸，總統蔡英文辭掉黨主席，這馬欲進行補選，副總統賴清德代先表態。當咧健康管理期間的賴清德，委託前文化部長鄭麗君登記參選黨主席，提出愛完成的4項目標。另外內閣改組的部份，有人點名前副總統陳建仁，來擔任行政院長。行政院長蘇貞昌表示，立法院會期結束了後，會和總統討論定案。
