24H直播
會員

親愛的會員，您已經登出囉，如果需要繼續使用會員功能，還請您重新登入

內容
分類

呂尚儒

常見關鍵字

  • 第61屆廣播金鐘入圍名單 台語節目類型多元
    |

    第61屆廣播金鐘獎的入圍名單咧昨昏 (9/9) 公佈，今年度 (2026) 攏總有1096件作品報名參賽，最後是140件作品入圍欲來拚29个獎項。 今年台語廣播節目有入圍的也不止仔濟，有積極招台語囡仔來分享的「台灣夜市Taiwan Yes！」，有分享性別議題的《天頂半節虹》嘛有分享流行音樂的《音樂大輪轉》類型真多元𤆬觀眾來了解。（新聞標題、導言為台語文）

  • 高中本土語文課 學手語占3成.本土語顛倒減
    |

    新學期拄開始有高中老師表示，以本土語文課來講，一人干焦會當選一種來學，毋過這幾年學生選手語的狀況年年增加，有占到三成遮濟，選本土語的人數是年年減少，國小甚至咧這門課閣會當選新住民語，學者認為這毋但無傳承危機閣較毋是臺灣語言，也批評這款表面上尊重多元的課程制度，實際上煞排斥著本土語的傳承佮復振，恐驚加速流失，要求教育部愛全面檢討。（新聞標題、導言為台語文）

  • 低壓帶、風颱外圍環流影響 基隆雙北大水雨特報
    |

    今仔日(9/4)全臺灣天氣攏無穩定。氣象署針對基隆、雙北等縣市發佈大水雨特報。今仔日(9/4)北部雨落真大陣，基隆的廟口夜市仔、基金一路、義一路等，袂少所在淹水。氣象署表示，拜六桃園以北會繼續落雨，愛到後禮拜水氣才會減少。(新聞標題、導言為台語文)

  • 台語片70周年 影視聽中心辦紀念活動.研討會
    |

    臺灣第一支台語片就是《薛平貴與王寶釧》，台語片的黃金時代是咧1955至1981年中間，根據統計有欲1200支片，數量真濟，彼陣的電影人才嘛成做臺灣現代影視產業的重要基礎。 今年(2026)是台語片70周年，國家影視聽中心推出規年的紀念活動，民眾除了會當佇中心佮公視台語台看著台語片也有電影人對談、國際研討會等等，希望予愈濟人了解台語片的價值。 （新聞標題、導言為台語文）

  • 國家語言發展法欠拘束效果 民團討論立新法
    |

    台語團體積極咧地方倡議，今年六都內面，對五月到今，已經有四都的議會議員組成台語連線，希望透過議會整合推動政策來復振台語。六月監察院有提出調查報告，雖然目前有國家語言發展法，毋過無行政配套、裁罰和執行力，就有台語團體當咧討論立新法，共不足的所在補起來。(新聞標題、導言為台語文)

  • 戒嚴時期禁講台語 監察院調查認定侵害人權
    |

    華語入來臺灣以前，台語是社會的共通語，毋過民國62年到92年，教育部施行的「國語推行辦法」禁止台語咧學校佮公共場所使用，監察院6月捌發佈調查報告，認定戒嚴時期的「國語政策」造成語言人權的侵害，致使台語受著歧視、傳承有危機，要求行政院檢討目前國家語言的復振政策。台語團體認為，台語的轉型正義，除了設語言部，嘛愛建設台語環境。學者認為愛立法，積極保障台語的共通語地位，也愛有佮華語平濟的公共服務。(新聞標

  • 台語台「再見1987」 以台韓民主發展做背景
    |

    公視台語台欲推出新影集「再見1987」，這是一齣時代劇，結合臺灣佮韓國的民主發展來做故事的背景，這嘛是臺語台頭一改和韓國演員合作。邀請韓國的國民媽媽演員文熙景，伊表示臺灣佮韓國有真濟相𫝛的歷史。阿若編劇是希望透過戲齣，予咱的後代咧艱難的時，猶原會記得人性的光輝和溫暖。(新聞標題、導言為台語文)

  • 台語台推出電影《大仙尪仔》 佇日本影展奪獎【涉己新聞】
    |

    臺語台佮電影團隊，合作推出的電影《大仙尪仔》，6月咧日本的夕張國際奇幻影展提著「國際新浪潮電影獎」，然後咧今仔日（8/10）辦試映會。這齣電影的故事，是講3个街友意外抾著一袋現金，煞予烏道追殺，咧走投無路的時，3个無血緣的人按怎互相扶持。編劇講，寫這个劇本，其實想欲問的是，為啥物神明若像攏無保庇著街友。透過電影，用喜劇的方式，來去探討宗教信仰佮人之間的關係。（新聞標題、導言為台語文）

  • 中聯問題油調查 熱損傷.管制不足等致超標
    |

    中聯油脂案第三方獨立調查結果咧今仔日(7/27)出來矣，衛福部也召開記者會說明，表示多數是業者內部的管理失當，包括對原料黃豆熱損傷比率的驗收基準的放冗、管制不足、嘛欠缺矯正措施，種種原因致使苯駢芘超標。 有關中聯油脂當時會當恢復生產，衛福部表示業者依法愛提出復工計劃，經過主管機關核准以後，才會當復工。（新聞標題、導言為台語文）

  • 冊店「台語歌足好耍」企劃 招讀者分享台語歌
    |

    台語流行歌自日本時代發展到今已經欲百年。若是去唱歌，毋知觀眾的歌單內底有啥物歌咧？有品牌冊店咧7月的《提案》免費雜誌，推出「台語歌好好玩」企劃，招讀者分享台語歌，當中也觀察著台語歌定連結著家庭的生活記憶，也有真濟聽無台語的現象。有長期關注台語音樂的廣播媒體人認為，聽無毋是問題，若因為歌好聽，對台語產生興趣、進一步去了解，感受就會愈豐富。（新聞標題、導言為台語文）

您的參與，
讓公共服務更完整！
閱讀、按讚，就能客製您的專屬推薦新聞
加入會員 關閉視窗
本網站使用 Cookie 技術提升體驗，詳見服務條款。繼續瀏覽即代表同意上述規範。