莊浚佑 常見關鍵字 臺灣 台語 文化 民眾 語言 文化部 金曲獎公佈入選名單 167件作品競爭27个獎 2026-05-13 |台語新聞 第37屆流行音樂金曲獎，今仔日(5/13)公佈入圍名單，根據文化部統計，今年(2026)金曲獎攏總選出167件入圍作品，欲競爭27个獎項。 台語歌王、歌后的部份，入圍的有資深的歌手白冰冰、蕭煌奇、秀蘭瑪雅，嘛有頭一改入圍的少年歌手CJ、陳怡婷等等，會使講誠競爭。（新聞標題、導言為台語文） 金曲獎 台語歌王 台語歌后 競爭 ... 入圍 入圍名單 台語台徵選"咱的歌" 總獎金70萬選7條囡仔歌 2026-05-12 |台語新聞 往過若講著台語囡仔歌，毋是丟丟銅就是天烏烏，毋過時代咧變化，已經佮這馬的囡仔生活經驗誠無仝囉。 為著欲創作屬於這个時代的台語囡仔歌，公視台語台推出「咱的歌」台語囡仔歌創作徵選計畫。 今年(2026)總獎金有70萬，會選出7條歌，鼓勵創作者發揮創意，打造時行的台語囡仔歌。（新聞標題、導言為台語文） 台語兒歌創作徵選計畫 咱的歌 台語兒歌 勞團五一遊行訴求8項改革 勞動部:評估檢討 2026-05-01 |台語新聞 今仔日(初一)五一勞動節，勞工團體辦大遊行提出訴求，要求政府對勞保、勞退佮退休給付等等8大項進行改革，保障勞工佮勞工食老以後的生活，勞動部回應會謹慎評估。 （新聞標題、導言為台語文） 五一勞動節 勞動部 勞工團體 訴求 ... 改革 民團辦白色恐怖記憶影展 今年校園串連放送 2026-04-27 |台語新聞 民間團體自2024年開始倡議，共5/19往過國民黨政府宣布戒嚴這工訂做白色恐怖記憶日，嘛有辦白色恐怖記憶影展。 今年(2026)希望延續歷史補課的熱度，欲改做學校串連的方式精選超級大國民、流麻溝十五號等等24部影片，希望鼓勵學校來運用。 主辦團體也呼籲政府協助學校社會辦活動抑是辦影展，加強推廣白色恐怖記憶作品，來深化社會的歷史教育。（新聞標題、導言為台語文） 白色恐怖 白色恐怖紀念日 歷史教育 影展 ... 流麻溝十五號 白色恐怖記憶日 2024年 學校 白沙屯媽進香煞鼓轉拱天宮安座 5/1才開爐 2026-04-20 |台語新聞 3月痟媽祖另外一場白沙屯媽進香，今仔日(4/20)已經上尾工矣。媽祖鑾轎透早6點，對通霄公所出發，佇新埔秋茂園，對4人轎換做8人大轎。下晡4點10分媽祖已經轉到拱天宮安座，今年(2026)的進香行程圓滿結束。（新聞標題、導言為台語文） 媽祖 安座 拱天宮 白沙屯媽 ... 白沙屯拱天宮 鑾轎 Threads YouTube 人大 天上聖母 文化 爐主 白沙屯 白沙屯媽祖 白沙屯媽祖進香 總統蔡英文 行程 通霄鎮公所 進香 白沙屯媽到北港 今年46萬人報名歷來上濟 2026-04-16 |台語新聞 白沙屯媽祖往北港進香，今仔日(4/16)是第四工，倚晝的時陣已經到北港朝天宮，廟方佮幾若十萬个信眾做伙拜天公佮媽祖。 今年(2026)進香是有史以來上濟人，就有46萬人報名，有報名的人會寫入去疏文的名冊，干焦按呢就愛寫1600張，按算今仔日暗時9點開始讀疏。下暗翻點0點10分khat火，落尾就隨回駕轉白沙屯。（新聞標題、導言為台語文） 北港 媽祖 拜天公 拱天宮 ... 白沙屯 香火 北港朝天宮 報名 白沙屯媽 白沙屯媽祖 白沙屯拱天宮 進香 信眾 臺大語文中心台語課 tshuā外國人了解臺灣文化 2026-04-01 |台語新聞 臺灣大學語文中心有開台語課，分做初級台語佮進階台語，上這門課欲10年的老師表示，誠濟來學台語的國際學生，除了希望加了解臺灣文化愈親近臺灣朋友，嘛有一部份的原因是in厝內有親人就是臺灣人。 真濟國際學生表示學台語的聲調誠無簡單，有的人會透過看台語節目、聽台語歌來加了解台語。（新聞標題、導言為台語文） 台語 國際學生 外國人 羅馬 ... 臺灣 學生 文化 朋友 老師 語言 新AI語音模型"myVoca" 講台語.客語嘛會通 2026-03-12 | AI的時代也有真濟AI的語言模型，毋過咧處理臺灣的語言環境欲辨識語音的時，精準率佮處理速度攏無理想。 民間有電信業者和科技公司投入研發，咧今仔日(3/12)發表全新的AI語音辨識模型myVoca，會通支援臺灣複雜的語言環境，準確率有到97%，聽有台語、華語、英語等等透濫的語境。（新聞標題、導言為台語文） 台語 模型 科技公司 臺灣 ... 語言 電信業者 OpenAI 台灣大哥大 技術 會議記錄 環境 開發 228紀念遊行 上無2千人參加、比往年加四倍 2026-02-27 |台語新聞 二二八和平紀念日的前一工，民間團體發起「228‧0」的紀念行動，遊行行過二二八事件重要的歷史地點，向政治受難者表達追思。鄭南榕基金會表示，今年上無2千人參與，人數是往年的四倍，尤其少年家特別濟。最近社會真濟人開始對歷史產生好奇，基金會認為這是一个值得珍惜的時機。（新聞標題、導言為台語文） 二二八和平紀念日 受難者 基金會 歷史 ... 紀念 鄭南榕 228事件 二二八事件 參與 和平紀念日 地點 少年 政治受難 民眾 臺灣 遊行 XR技術做"東方美人"浸水式戲齣 認捌茶文化 2026-02-09 |台語新聞 茶文化是咱生活真重要的一部份，19世紀的臺灣就是透過茶米出口行向國際貿易，這馬咱用科技予世界認捌臺灣。有民間的科技新創團隊佮臺大團隊合作，透過XR的實境技術，做一齣「東方美人」浸水式劇場。結合虛擬佮現實，現場原仔有倩茶藝師，泡茶予觀眾啉，會當那看故事那哈茶。（新聞標題、導言為台語文） 劇場 技術 科技 臺灣 ... 觀眾 世界 團隊 大稻埕 文化 製作人 音樂 1
