花農捐臺中市府1500欉茶花 開放民眾欣賞花景

捐贈者王江仁講:「這個品種的名字叫做宮廷歌舞，它算是一種牡丹型。」

當咧向逐家紹介花欉的這位歐里桑，是72歲的王江仁，照顧花草樹木的工課已經有40外冬，但是因為有歲矣，體力漸漸無法度負擔，伊決定共1500欉茶花，免費捐予臺中市府，向望予愈濟人通看著茶花的媠。

捐贈者王江仁講:「因為腰痠背痛，所以決定捐出來，為什麼捐給公家機關，就是有人照顧，大家看得到。」

臺中市建設局共遮的茶花這馬分別種佇后里森林公園、后里運動公園佮豐原的翁仔公園等等5个所在，開放予逐家來賞花，民眾看著公園種規片的茶花，也真歡喜。

民眾講:「當然啊，因為大家都很高興，因為喜歡看花開。」

捐贈者王江仁講:「可以給那麼多人觀賞到美好的東西，讓大家心情愉快，我真的有一種，送人玫瑰，手留一香，施比受更有福的那種感覺。」

這改捐予臺中市府的茶花品種攏總有25種，包括玫瑰型、百葉型佮牡丹型等，花型攏無仝款、也有無仝花色，預估今年茶花會開到三月底，欲賞花的民眾著愛把握時間。