知名導演辛奇 拍片記錄1960年代臺灣社會

辛奇導演,1960年拍真濟齣經典電影,描寫臺灣農村社會到工業社會、人民生活的情景,辛奇也創「台語影人電影協會」,曾提過金馬獎終身成就獎。這陣「國家電影及視聽文化中心」,用數位的現代技術,復原五齣辛奇的經典作品,佇全國巡迴播送,予欲少年輩的影藝家,會當對遮的影像,走揣台灣味,成做創作靈感。

敢講是頭家娘轉來矣,1965年台語恐怖片,「地獄新娘」,對歌德羅曼史「米蘭夫人」這本小說改編,劇情變化緊,看著予人感覺心驚膽惶。

以性工作者主題,搬演1969年低層社會人士的娛樂和處境,予人講是當當時用長鏡頭hip8上蓋久的一齣電影,也是辛奇導演的作品。

猶袂修復的電影,影像色彩的對比度較無夠,畫面出現白白、一閃一閃的感覺也較明顯,修復一齣電影差不多愛100到200萬,了時了工,不過修復人員也佇過程揣著予電影起死回生的使命。

修復老電影,愛恢復到啥物程度,才袂失去老電影的氣味,這也是修復人員到今猶閣咧樽節。影視聽中心執行長王君琦認為少年創作者會當對這寡經典的台語電影,走揣台灣味。

影視聽中心這六年來已經修復五十齣電影,其中台語的有十九齣,這陣辛奇導演作品,也佇全台灣四个縣市燒續播送,希望唌人去戲院,感受台灣對農業社會轉型做工業社會的娛樂和生活情景。

九合一選戰解析

相關新聞