臺南仁德推出"書困" 頓卡.借冊通換優待券

臺南仁德區公所這陣當佇圖書館內底舉辦攝影展,為著鼓勵愈濟民眾去欣賞,咱都若翕相用手機仔頓卡,閣借5本冊者,就通提著市場的優待券,一來公所就是鼓舞人讀冊,二來嘛欲帶動庄頭的消費。

翕囡仔人佇關廟彩繪村咧捒壁頂所彩繪的牛車,閣有眾人替文衡聖帝做壽的情形。這寡真有地方特色的相片,攏是攝影比賽著獎的作品。最近,臺南的仁德區公所特別揀54幅,佇圖書館辦攝影展,為著鼓勵民眾來看展覽,in也和市場處合作,予民眾有食閣有掠。

除了展覽,趁這陣疫情轉和,區公所也佇逐个禮拜六舉辦DIY的活動,利用在地的人文特色來行銷仁德區。
 
仁德區長黃素美表示,用「喜閱愛購、書困方案」成做主題,規个活動按算到7月底,向望透過這款「三合一」的藝文推廣活動,會使帶動市場消費,順紲推廣在地特色。