武漢有查埔人慢走 氣喘袂過緊送院治療

頂日仔，中國武漢一个今年才26歲，生做躼閣瘦抽的少年家，連紲半個外月，食暗飽就掛喙罨出門，去走運動埕，慢跑練身體。結果一工，伊走4公里過，胸坎煞真歹喘氣，送病院了後發覺講，倒手爿的肺部，竟然破空，若像雞胿仔仝款煏開囉。


台北醫學大學的醫師今就提醒講，若是「空氣」無正常，積佇咧胸坎內底，這款「氣胸」的病症，往往攏是肺部有慢性病的老大人，較捷發生。毋過臨床的治療發覺，生做lo3閣瘦抽的少年人，也是較有可能會產生「氣胸」這款症。尤其若瘦閣lo3的民眾，運動的時，喘氣有困難，上好著愛趕緊去揣先生。