西瓜咧欲收成 農民圍籬笆防賊偷.守心血

西瓜普遍攏是清明前後咧收成。毋過也有農民，近來是真煩惱講，辛苦種作的西瓜，規片園會予賊仔偷收去，今就佇園裡四箍輾轉搭籬笆，欲保護用心栽培的心血。

農民共1枝1枝比人閣較懸的竹篙插佇田的四箍輪轉，閣共塑膠布篷提出來圍，就是欲保護咧欲收成的「小鳳西瓜」莫著賊偷。


農民毋但驚辛苦種作的西瓜去予人偷拚去，閣驚鳥鼠、害蟲thun2踏in的心血。


農民差不多攏是佇咧舊曆過年彼跤兜種西瓜，按呢佇清明的時，就有通收成。「小鳳西瓜」這款品種咧顧，毋免傷費心神，毋過品質若欲好，1株西瓜干焦通留3至4粒果。農民表示遮的西瓜閣過幾工仔就有法度收，總是搭籬笆共田圍起來較安心，才袂予半冬的心血烏有去。