臺灣烏熊囝走脫 臺東林管處團隊動員搜揣

臺東林管處咧照顧的兩隻臺灣黑熊仔囝,目前是飼咧南投特有生物研究保育中心的試驗站,初二中晝,發見其中一隻熊仔囝偷走出去,團隊也開始咧揣,希望會當趕緊揣著。

佇特生中心的兩隻熊仔囝,感情真好。毋過昨昏中晝發生走脫的意外,本底是欲替安排其中一隻進行野外訓練,另外彼隻煞真孽,共鐵網仔創害去,對空縫走出去,林管處除了用陷阱以外,也用熊仔囝愛食的物件欲共唌過來,呼籲民眾,偷走出去的熊仔囝袂攻擊人,若有發現著趕緊通報。





黃子杰 陳昌維 南投 台東綜合報導

 

九合一選戰解析

相關新聞