南投中原部落引進無人機 作穡噴藥仔加真方便
發布時間：
更新時間：
無人機毋但會使翕相，嘛會當共農民鬥作穡。南投、仁愛、中原部落，就有青年主動去共無人機澍藥仔的技術引入來，除了農藥的量會用較少，嘛會使莫予老大人欶著農藥。
無人機款款仔飛起來，佇半空中幫稻仔田噴農藥。這台無人機會當載10公升(lip)的藥仔，飛一趟大約噴三分地。無人機應用佇農業，毋但省人工，閣會使大大提升農業生產的效率。
==南投縣仁愛鄉中原部落農民 高山青==
十來年前的話
我們是全家出動
勞力 人力 物力
整個投入的時間會比
噴灑藥劑的時間
加了將盡快二十倍的時間
中原部落的農民許岱雷表示，遮是仁愛鄉上重要的稻米產區，猶不過少年一輩人口外流。誠多作穡人年歲攏真懸，不堪哩做粗重的工課。遮的青年農民觀察著這款情形，家己想辦法去學，引入無人機來鬥相共，除了農藥用量較省，嘛會使避免吸著農藥，減輕老大人的負擔。
==青農 許岱雷==
在部落幾乎就是看到長輩而已
有時候看到長輩在這邊噴藥
我們又擔心他中暑的問題
間接就跟同好 學習這個植保機的作業
我就想說能不能就 利用這個機會
可以讓他們減輕很大的作業的麻煩
==互助村長 梁文峰==
一人就可以操縱
確實是幫助了很多
（過程）也對人體 傷害也減少很多
無人機操作靠技術，事前準備嘛就愛功夫。部落老大人若是欲家己操作，可能有困難。無人機投入農業生產，這嘛是部落青年會當轉來家鄉做工課的好機會。
記者 綜合報導
