南投草屯序大踩街.做竹藝 重現擔埔社繁榮景象

社區的序大手挈家己做的風吹輪仔，同齊捒in做伙完成的擔埔社裝置藝術，體驗踩街的趣味。

中興生活美學協會理事長李慧珍表示，「這个踩街的課程，予逐家感覺講這是一種療癒，逐家會當做伙耍，予社區的序大感覺講，按呢嘛是真趣味真好耍。」

古早人講「鹿港擔埔社、擔米石七八」，就是形容以前的鹿港生理人，定定愛擔鹽佮米，去南投買賣的情形。草屯鎮為著欲重現往年繁榮的畫面，特別安排教做竹仔藝術品佮辦踩街，予逐家會使體驗古早時代的活動。

草屯鎮北投社區理事長蕭景維表示，「以前非常的熱鬧，我們也是希望藉這個活動，把我們的風華再現。」

臺灣工藝研究發展中心行銷組副研究員楊沂芬表示，「希望可以對長者有一些陪伴，那我們主要也納入了一些職能治療的這些元素進去。」

透過竹子的編法佮環保素材的利用，序大會使順紲激頭腦，予in感覺誠心適。

社區長輩講，「動動腦啦、動動腦嘛袂ﰴ，較袂無聊啦！」

這个活動除了會使感受著手工藝趣味的所在，嘛推動在地文化，毋管是社區的序大、教做竹仔藝術品的老師，猶是主辦單位，逐家做伙共擔埔社裝置藝術完成，攏得到真濟成就感。