勞工團體調查 96%民眾猶認為紓困補助無夠
發布時間：
更新時間：
立法院當咧審查紓困4.0特別預算。毋過有勞工團體，今仔日公佈一份調查，講有96%的受訪勞工認為紓困保障實在無夠。
勞工紓困補助當咧進行，但是工鬥團體對全職勞工、派遣工等等做調查，發見有9成6的民眾認為紓困補助保障無夠，將近9成3雇主違法減班減薪水，調查也發現有勞工因為雇主無申請紓困領無補助。
工鬥團體表示，調查當中有聽著案例是旅館業者封房間製造營收損失，要求員工分流上班，但私底下煞共員工減班、減薪水來申請紓困，補貼根本無發予員工、也有聽著佇小店頭上班的，雇主連申請攏嫌麻煩，直接辭員工頭路等等。IN講勞工實際的狀況，並毋是像政府想的遐簡單。
工鬥團體表示，IN要求企業紓困資料愛公開、勞工愛有紓困申請發動權、津貼直接撥予勞工等等，希望政府聽著聲。針對遮的訴求勞動部是表示，會加強稽查雇主違規，勞工若拄著雇主違規，也會當舉證，由地方機關介入調查。
勞工紓困補助當咧進行，但是工鬥團體對全職勞工、派遣工等等做調查，發見有9成6的民眾認為紓困補助保障無夠，將近9成3雇主違法減班減薪水，調查也發現有勞工因為雇主無申請紓困領無補助。
桃園市產業總工會秘書邱宇弘:「這个佇阮的調查內面，這改是有74.4%的雇主，伊的營收已經受到衝擊，但是伊並無去申請紓困補助，參事業單位綁做伙的情況，勞工看會著食袂著。」
工鬥團體表示，調查當中有聽著案例是旅館業者封房間製造營收損失，要求員工分流上班，但私底下煞共員工減班、減薪水來申請紓困，補貼根本無發予員工、也有聽著佇小店頭上班的，雇主連申請攏嫌麻煩，直接辭員工頭路等等。IN講勞工實際的狀況，並毋是像政府想的遐簡單。
新高市產業總工會理事長何政家:「有對這寡勞工受影響的部份，所以有時陣in(雇主)較袂去申請，較毋敢去申請，會驚主管機關來查，會發現一寡問題，雇主嫌這可能較麻煩，假使愛按呢，不如講處理較軟汫的，譬如講處理勞工，降低成本顛倒較緊。」
工鬥團體表示，IN要求企業紓困資料愛公開、勞工愛有紓困申請發動權、津貼直接撥予勞工等等，希望政府聽著聲。針對遮的訴求勞動部是表示，會加強稽查雇主違規，勞工若拄著雇主違規，也會當舉證，由地方機關介入調查。
