帕金森手術醫材傷貴 病友向望健保全額補助

若去得著帕金森氏症，倒爿的腦部會勼去。針帕金森氏症的權益，24佇立法院也召開一場記者會，有幾若位病友佮國民黨立委，做伙呼籲政府，愛共腦部深層刺激術的費用，列做健保全額給付，因為手術當中，有部分的材料愛民眾家己買，一擺就是2.30萬，真濟人根本無法度負擔。


仝款是帕金森氏症的病友，講著家己病發後，面對的真濟的生活困難。除了這，佇醫療上也有沉重的負擔，其中一項腦部深層刺激術，主要用佇醫師開腦過程中定位的醫材，一擺就愛幾十萬，病友希望會當納入健保全額給付。

對這項手術醫師講，目前囥佇患者身軀的醫材，健保確實有給付，毋過佇腦部手術過程中，用來提升IN準確性的定位系統等等，因為醫療上屬於選配部分、袂當建保支付，自費就愛2、30萬，但因為是大手術，也無人會去省這條錢。

與會的健保屬官員表示，這項開腦手術的給付項目已經有逐年納入健保，對病友提出的部分，IN會閣佇年底前參專家討論。另外帕金森病友也希望會當將是慢性疾病，I列入重大傷病的部分，也仝款會閣尋求專家意見。