立法院核電論壇 環團:開放核一廠予眾人了解
郭柏均 張育睿 / 臺北報導
發布時間：
更新時間：
日本福島發生核災到今已經欲滿十年。3/10佇立法院有舉辦一場討論臺灣核能發電問題的論壇。就有學者表示，臺灣核電廠會堪得地動的程度，可能閣無夠勇。嘛有環保人士表示，台電應該愛開放民眾入來核一廠，了解安全狀況到底是按怎。
手攑蠟燭、頭犁犁，哀悼十年前的福島核災，3月10號環團、專家佮迒黨派的立委佇立法院舉辦論壇，討論台灣核能發電的危機，論壇前的記者會有學者表示，台灣核能發電廠的耐震力可能無夠。
現場嘛有前核一、核二廠的員工現身，講家己佇核電廠的經驗。外界對核一廠的安全問題充滿各種的猜想，環保團體要求台電規氣開放逐家入去核一廠了解，予大眾知影，核一廠無安全這个講法到底是真抑是假
針對入去核一廠的要求，台電表示，會使配合立委問政的需要，安排以團體的方式入去核一廠。民團講，會開始揣立委規劃入廠的時間，佮詳細的行程，了解核一廠內底的狀況到底如何
手攑蠟燭、頭犁犁，哀悼十年前的福島核災，3月10號環團、專家佮迒黨派的立委佇立法院舉辦論壇，討論台灣核能發電的危機，論壇前的記者會有學者表示，台灣核能發電廠的耐震力可能無夠。
現場嘛有前核一、核二廠的員工現身，講家己佇核電廠的經驗。外界對核一廠的安全問題充滿各種的猜想，環保團體要求台電規氣開放逐家入去核一廠了解，予大眾知影，核一廠無安全這个講法到底是真抑是假
針對入去核一廠的要求，台電表示，會使配合立委問政的需要，安排以團體的方式入去核一廠。民團講，會開始揣立委規劃入廠的時間，佮詳細的行程，了解核一廠內底的狀況到底如何
2022杭州亞運 台灣百金之路
