桃園圖書館訓練志工講臺語故事 助囡仔學語言

講古是欲按怎予聽的人、聽佮神神咧？桃園市立圖書館，特別安排、台語故事志工的培訓計畫，邀請經驗豐富的老師來教民眾，欲按怎用台語講故事，予台語真真正正行入去咱的生活當中。

桃園市立圖書館，每一年攏會辦本土語言的相關課程，今年是頭一擺用台語，來教民眾欲按怎講囡仔冊，開放報名人數一時仔就滿囉!
若欲予民眾有興趣聽故事，一定愛講了精彩閣趣味，所以老師也特別設計課程，予故事會當講了活潑生動。

目前市面上大部分攏是華語的故事冊為主，除了教民眾，欲按怎共華語故事翻做臺語來講，另外聲音的變化，佇講故事中，嘛是一个真重要的撇步。
透過講故事的方式，希望予囡仔在輕鬆自在的環境，學習本土語言，同時嘛會當增加親子共學的機會，予台語自然出現佇生活中。