鹽水牛墟改賣雜細 鄉親序大來行踏回想過去

南部目前干焦賰雲林和臺南，猶閣有牛墟，毋過這陣牛墟已經無咧買賣牛，變做是啥物物件攏賣的市仔。

魚販仔大聲喊賣，四爿邊仔人客圍甲滇滇，這個熱鬧的所在，不是一般的菜市場，是逐個月日子遇到147才會開市的台南鹽水牛墟。

南台灣現在賰雲林佮台南有牛墟，鹽水牛墟已經有上百年的歷史，早期是牛隻買賣的地方，雖然這馬已經無咧賣牛矣，有咧賣青菜水果、日常用品，誠濟人來這買農具，瓜笠仔、鋤頭、肥料逐項有，甚至閣會當看到有人咧賣雞仔囝閣鴨咪仔。

一個月干焦開9工的牛墟，人總是插插插，有的人家裡的菜刀ui去，嘛攏會當攑來現修理。其實牛墟毋但是一個買東西的好所在，閣較是充滿真濟老大人古早記憶的所在，保存上有人情味傳統文化。