姬松茸產量提懸 連米其林都注文做食材

屏東崁頂的姬松茸，好食閣有營養，這幾年，培養的技術也進步真多，產量也增加，毋但通做保健食品，這馬也是高級餐廳上佮意的食材。

屏東崁頂的姬松茸最近受到誠濟人的注目，雖然是簡單的食材，煞會當變出誠濟料理，無論是用現子時，誠時行的氣糋鍋來糋、煮雞湯抑是烘的看起來攏予人喙瀾㴙㴙滴。

崁頂農友吳俊毅，原本佇食品公司上班，4年前熟似崁頂港西村長徐秀如翁某，開始做伙研究姬松茸。īn突破過去無法度大量生產的問題， 現在平均一个貨櫃， 一年可種4改，逐遍咧欲300公斤。一蕊一蕊飽滿的姬松茸，有杏仁芳，因為伊誠有營養，成做真多米其林及高級餐廳上愛用的食材。


目前姬松茸除了有賣鮮的，嘛有切片乾燥的，甚至閣做成保健食品、保養品等等，未來īn向望會當結合食農教育，予閣較濟人熟似姬松茸。


記者綜合報導