為著解決農業欠工 農委會進口收麻仔農機

臺南麻仔種袂少，一年冬產量有將近1千5百噸，毋過收麻仔、縛麻仔、曝麻仔，煞定定咧欠工。這馬農委會引進國外專門咧採收的農機來改良，連捆連縛，做一擺解決。目前有開放予將軍、安定、善化、西港這四區的農民登記使用，助贊逐家快收成。



天氣轉涼矣，來碗香香香的麻油雞當著時，胡麻毋那有多元不飽和脂肪酸，營養成分高，也好種作，誠濟農民種稻仔以外，也會種胡麻增加收入。台南是胡麻的主要產區，種植面積1469公頃，年產量約1497公噸，不過見擺欲採收、鬥綑、鬥覆的時陣，攏有欠工的問題。這陣農委會為國外進口胡麻割捆機，經過改良，一台就會使拄差不多24个人工，補助台南4個區域做使用。

==農委會台南區農業改良場作物環境課課長 鍾瑞永==
我們改良場在三四年前
從國外引進割捆機
經過適當的改良之後
我們兩年前正式推出
今年為了推廣這個機器
我們農委會輔導處
也有補助台南市
將軍 善化 安定 西港
四個農會都有補助一台機器
作為代收的一個推廣


一台胡麻割捆機市價差不多80萬，1工就會使採收至少1.2公頃的麻仔，真濟農民攏親身來了解胡麻割捆機的操作方法，講有胡麻割捆機就會使解決缺工的問題，不過來試用的時，有發現一寡問題。

==農民==
缺工啊 當然用機器採比較快
大家都用的到
問題是有時候胡麻(長得)比較高
有時候比較矮
有的還沒熟
有的還很生
不能統一採收 這個問題


佇割捆機的試辦期間，農委會也推出一分地1200元的優待價賬，降低農民的生產成本，市府也鼓勵農民會當到將軍、安定、善化佮西港區的農會登記使用，農友和產銷班也會當買割捆機，政府會補助3分之1到2分之1，予農民閣較利便。

記者 綜合報導