臺貨輪和中國軍艦相挵 險險被掠去廈門

昨昏暝仔佇金門料羅灣東南外海，發生臺灣的貨輪佮中國軍艦挨著的意外，中國軍艦本底欲共咱的貨輪押去廈門，金門海巡隊接著通報也出動兩隻巡防艇，咱的海巡也真拚勢，成功掩護咱的貨輪轉到金門。

這隻藍色的大貨輪船頭的正爿，真明顯有予人挨著的痕跡。這是咱臺灣的「友泰一號」，昨昏欲暗仔欲駛去高雄，煞和中國軍艦佇金門料羅港南南東方19.5浬的所在相挵，代誌發生了後，中國軍艦閣要求欲共「友泰一號」帶轉去廈門。

==海巡署艦隊分署第九海巡隊組主任 陳建文==
該艘軍艦以尾部受創嚴重 航行受限
必須立即進廈門港避難為由
拒絕停船 之後就與巡防艇斷絕通聯


根據了解，金門海巡隊佇7/31暗時8點外接著通報，隨派兩隻1百噸的巡防艇去救援，透過雷達發現咱的貨輪往廈門駛去，中國軍艦綴著後壁。海巡人員隨用無線電要求貨輪船長，著改變方向駛對料羅港遮來，由海巡艇戒護他們。另外一隻巡防艇聯絡中國軍艦，毋過對方無願意停船接受蒐證。海巡署頂晡嘛表示，因為昨暝天色已經真暗，所以無法度看清楚船的編號。

==中部航港局簡任技正 鄭志文==
那我們會進行海事調查
那再去根據AIS(船舶自動辨別系統)
的軌跡去做一個判斷
通常軍艦上面一般都沒有AIS
所以也只有我方船隻的AIS
那這樣判別上單方面會有困難


佳哉咱的「友泰一號」貨輪無人著傷，船頭挨著嘛無啥嚴重，昨暝已經駛轉來停佇料羅港錨泊區，毋過相關的調查事證，今仔日會移交予航港局中部航務中心，請他們繼續調查，針對海事的責任閣再查予清楚。
記者 李亭 綜合報導