#公視台語台
-
台語片70周年 影視聽中心辦紀念活動.研討會
|臺灣第一支台語片就是《薛平貴與王寶釧》，台語片的黃金時代是咧1955至1981年中間，根據統計有欲1200支片，數量真濟，彼陣的電影人才嘛成做臺灣現代影視產業的重要基礎。 今年(2026)是台語片70周年，國家影視聽中心推出規年的紀念活動，民眾除了會當佇中心佮公視台語台看著台語片也有電影人對談、國際研討會等等，希望予愈濟人了解台語片的價值。 （新聞標題、導言為台語文）
-
台語台「再見1987」 以台韓民主發展做背景
|公視台語台欲推出新影集「再見1987」，這是一齣時代劇，結合臺灣佮韓國的民主發展來做故事的背景，這嘛是臺語台頭一改和韓國演員合作。邀請韓國的國民媽媽演員文熙景，伊表示臺灣佮韓國有真濟相𫝛的歷史。阿若編劇是希望透過戲齣，予咱的後代咧艱難的時，猶原會記得人性的光輝和溫暖。(新聞標題、導言為台語文)
-
1968年電影"琉球之戀" 重新做台語配音版本 (涉己新聞)
|導演林福地1968年拍的電影《琉球之戀》，是彼當時真難得的彩色台語電影，導演講當年是用台語去翕的，毋過因為國語政策，若欲出國放送，一定愛華語版，尾仔台語版嘛已經揣無矣。 公視台語台揣配音員，重新做台語配音版，恢復電影原本的模樣，今年(2026)是台語片70週年，嘛是台語台7週年，有辦台語台接力影展免費放送，今仔日(7/16)由《琉球之戀》拍頭陣。（新聞標題、導言為台語文）
-
「送葬的Hu-lí-liàn」台語版 5/2起台語台放送
|日本bàng-gà「送葬的Hu-lí-liàn」，公視台語台5/2欲推出台語版，預告一出來網路頂已經有真濟討論矣。其實配音會使講是bàng-gà的靈魂角色，也有民間的配音工會，招第一線的配音員、台語指導，同齊欲來開台語配音訓練班，有學者認為通看著業界，愈來愈有意識共台語看做一項專業，這是真好的趨勢。(新聞標題、導言為台語文)
-
60屆金鐘獎今日公佈入圍名單 頒特別貢獻獎
|金鐘獎是臺灣影視界年度上重要的獎項，今仔日就是公佈第60屆入圍名單的日子，台語台攏總入圍五个獎項。根據文化部統計，這改參賽的作品，攏總有1992件，數量創新懸，嘛顯示影視、聲音內容產業的競爭力。另外，今年的特別貢獻獎，是頒予資深演員陳淑芳女士、電視搭景師葉輝龍先生。（新聞標題、導言及內文皆為台語文）
-
台語台"菜鳥仔NICE PLAY" 訓練台語啦啦隊
|這幾年臺灣的啦啦隊因為國際比賽受著關注，今年底公視台語台欲推出全國第一个啦啦隊養成實境節目「菜鳥仔NICE PLAY」，欲予觀眾對節目了解啦啦隊這个工課的鹹酸苦澀，嘛有招職棒的五位應援團長來訓練遮的菜鳥仔。希望予逐家了解啦啦隊毋是干焦唱歌跳舞，閣愛有棒球智識，培養團隊合作的能力等等。
-
《成功路上》拚入Netflix排行榜 台語齣登上國際
|國際串流平台愈來愈時行，臺灣的戲劇也愈來愈有機會徛起去國際舞台。像頂禮拜拄完結篇的台語戲劇《成功路上》，就櫼入去Netflix的排行榜。《成功路上》的製作人就講，關鍵就是做出臺灣特色。毋管是華語劇、台語劇，對外國人來講，這就是臺灣的故事；語言毋是阻礙，顛倒予人知影臺灣閣有台語這个語言。（新聞標題、導言及內文皆為台語文）
-
《來去恁兜洗魂舒》 走遍臺灣洗身軀、交朋友
|旅遊實境節目真受觀眾佮意，公視台語台有推出一个新節目，號做《來去恁兜洗魂舒》。是兩位主持人家己紮浴桶，佇臺灣各地交朋友、過暝、洗身軀（hun-su）。節目中會當感受著臺灣的人情味佮臺灣人的善良。（新聞標題、導言及內文皆為臺語文） [ 涉己新聞 ]
-
天馬電台招商濟冬無成 爭取設台語文化園區
|臺南安南區的中心點有一个天馬電台，進前是中央廣播電台咧使用，自從遷走了後，遮就無閣開發。地方這十幾年來推展公民運動，毋若成立村廟樂團，嘛為家鄉寫歌，到今攏毋捌斷過。這馬也當咧連署爭取共天馬電台基地變做國家級的台語文化園區，重新共遮活化。（此則新聞標題、導言、內文皆為臺語文。）
-
天馬電台舊地做台語園區 連署2日200人支持
|佇臺南的安南區有一个天馬電台，進前是中央廣播電台咧使用，遷走了後，基地就無閣再開發，欲13年無咧使用。這馬有地方團體發起連署，欲向政府爭取佇遮設台語文化園區。市政府回應講，土地是國產署的，會閣和中央參詳。
