天文學家蔡安理 佇臺師大開課.用臺語講天文
林思皓 莊沛文／臺北報導
發布時間：
更新時間：
目次
共NASA的天文圖翻譯做台語的天文學家，蔡安理，這學期佇咧臺師大開「台語天文課」，吸引來自無仝學校、無仝學系的學生選修，做伙用台語學天文、用天文學台語。
用臺語講天文學，連投影出來的PPT嘛是攏台文。天文學家蔡安理這學期佇臺師大地球科學系開「台語天文課」，用臺語教天文、用天文教臺語。
臺師大地科系學生胡朝偉表示：「用臺語共序大講天文。」
修課的毋但有地球科學系的，嘛有別系的學生做伙來聽，學期落尾報告科學相關的主題。
臺師大化學系學生吳宇凡表示：「學會曉寫羅馬字。」
臺師大臺文系學生許嘉恩表示：「一寡仔專業名詞愛去查。」
這學期臺師大有獎勵老師用母語授課，一直咧將NASA天文圖翻譯做臺文的蔡安理，是受地球科學系邀請來開課。
天文學家蔡安理表示：「若無我過去的翻譯經驗，開這門課是真困難，因為專有名詞太濟。」
蔡安理表示，天文是伊的專業，臺語是伊關心的母語，望兩項結合了後，會當予母語繼續湠去無仝的專業領域。
